Dagiti Salmo 114

1 Idi pimmanaw ti Israel idiay Egipto, ti sangkabalayan ni Jacob manipud kadagita a gangannaet a tattao,

Alleluia. In exitu Israel de Aegypto, domus Iacob de populo barbaro:

2 nagbalin ti Juda a nasantoan a lugarna, ti Israel a pagarianna.

Facta est Iudaea sanctificatio eius, Israel potestas eius.

3 Kimmita ti baybay ket nagtaray; nagsubli ti Jordan.

Mare vidit, et fugit: Iordanis conversus est retrorsum.

4 Limmagto a kasla kalakian a kalding dagiti bantay, limmagto a kasla karnero dagiti turturod.

Montes exultaverunt ut arietes: et colles sicut agni ovium.

5 Baybay, apay a timmarayka? Jordan, apay a nagsublika?

Quid est tibi mare quod fugisti: et tu Iordanis, quia conversus es retrorsum?

6 Dakayo a banbantay, apay a limmagtokayo a kasla kadagiti kalakian a kalding? Dakayo a babassit a turturod, apay a limmagtokayo a kasla kadagiti karnero?

Montes exultastis sicut arietes, et colles sicut agni ovium?

7 Agpigergerka lubong, iti sangaonan ti Apo, iti imatang ti Dios ni Jacob.

A facie Domini mota est terra, a facie Dei Iacob.

8 Pinagbalinna ti bato a dan-aw ti danum ken ti natangken a bato nga ubbog ti danum.

Qui convertit petram in stagna aquarum, et rupem in fontes aquarum.