Dagiti Salmo 114

1 Idi pimmanaw ti Israel idiay Egipto, ti sangkabalayan ni Jacob manipud kadagita a gangannaet a tattao,

When Israel came forth from Egypt, The house of Jacob from a people of strange language,

2 nagbalin ti Juda a nasantoan a lugarna, ti Israel a pagarianna.

Judah was his sanctuary, And Israel his dominion.

3 Kimmita ti baybay ket nagtaray; nagsubli ti Jordan.

The sea beheld, and fled; The Jordan turned back.

4 Limmagto a kasla kalakian a kalding dagiti bantay, limmagto a kasla karnero dagiti turturod.

The mountains skipped like rams, And the hills like lambs.

5 Baybay, apay a timmarayka? Jordan, apay a nagsublika?

What aileth thee, O thou sea! that thou fleest? Thou, Jordan, that thou runnest back?

6 Dakayo a banbantay, apay a limmagtokayo a kasla kadagiti kalakian a kalding? Dakayo a babassit a turturod, apay a limmagtokayo a kasla kadagiti karnero?

Ye mountains, that ye skip like rams, And ye hills like lambs?

7 Agpigergerka lubong, iti sangaonan ti Apo, iti imatang ti Dios ni Jacob.

Tremble, O earth! at the presence of the Lord, At the presence of the God of Jacob;

8 Pinagbalinna ti bato a dan-aw ti danum ken ti natangken a bato nga ubbog ti danum.

Who turned the rock into a standing lake, And the flint into a fountain of water!