Dagiti Salmo 114

1 Idi pimmanaw ti Israel idiay Egipto, ti sangkabalayan ni Jacob manipud kadagita a gangannaet a tattao,

In the going out of Israel from Egypt, The house of Jacob from a strange people,

2 nagbalin ti Juda a nasantoan a lugarna, ti Israel a pagarianna.

Judah became His sanctuary, Israel his dominion.

3 Kimmita ti baybay ket nagtaray; nagsubli ti Jordan.

The sea has seen, and flees, The Jordan turns backward.

4 Limmagto a kasla kalakian a kalding dagiti bantay, limmagto a kasla karnero dagiti turturod.

The mountains have skipped as rams, Heights as sons of a flock.

5 Baybay, apay a timmarayka? Jordan, apay a nagsublika?

What is [ailing] you, O sea, that you flee? O Jordan, you turn back!

6 Dakayo a banbantay, apay a limmagtokayo a kasla kadagiti kalakian a kalding? Dakayo a babassit a turturod, apay a limmagtokayo a kasla kadagiti karnero?

O mountains, you skip as rams! O heights, as sons of a flock!

7 Agpigergerka lubong, iti sangaonan ti Apo, iti imatang ti Dios ni Jacob.

From before the Lord be afraid, O earth, From before the God of Jacob,

8 Pinagbalinna ti bato a dan-aw ti danum ken ti natangken a bato nga ubbog ti danum.

He is turning the rock to a pool of waters, The flint to a fountain of waters!