Dagiti Salmo 114

1 Idi pimmanaw ti Israel idiay Egipto, ti sangkabalayan ni Jacob manipud kadagita a gangannaet a tattao,

When Israel went out of Egypt, the house of Jacob from a people of strange language,

2 nagbalin ti Juda a nasantoan a lugarna, ti Israel a pagarianna.

Judah was his sanctuary, Israel his dominion.

3 Kimmita ti baybay ket nagtaray; nagsubli ti Jordan.

The sea saw it and fled, the Jordan turned back;

4 Limmagto a kasla kalakian a kalding dagiti bantay, limmagto a kasla karnero dagiti turturod.

The mountains skipped like rams, the hills like lambs.

5 Baybay, apay a timmarayka? Jordan, apay a nagsublika?

What ailed thee, thou sea, that thou fleddest? thou Jordan, that thou turnedst back?

6 Dakayo a banbantay, apay a limmagtokayo a kasla kadagiti kalakian a kalding? Dakayo a babassit a turturod, apay a limmagtokayo a kasla kadagiti karnero?

Ye mountains, that ye skipped like rams? ye hills, like lambs?

7 Agpigergerka lubong, iti sangaonan ti Apo, iti imatang ti Dios ni Jacob.

Tremble, thou earth, at the presence of the Lord, at the presence of the God of Jacob,

8 Pinagbalinna ti bato a dan-aw ti danum ken ti natangken a bato nga ubbog ti danum.

Who turned the rock into a pool of water, the flint into a fountain of waters.