Dagiti Salmo 113

1 Idaydayawyo ni Yahweh. Idaydayawyo isuna, dakayo nga adipen ni Yahweh; idaydayawyo ti nagan ni Yahweh.

Hallelujah! Praise, ye servants of Jehovah, praise the name of Jehovah.

2 Madaydayaw koma ti nagan ni Yahweh, ita ken iti agnanayon.

Blessed be the name of Jehovah, from this time forth and for evermore!

3 Manipud iti pagsingsingisingan ti init agingga iti paglenlennekanna; rumbeng a maidaydayaw ti nagan ni Yahweh.

From the rising of the sun unto the going down of the same, let Jehovah's name be praised.

4 Katatan-okan ni Yahweh kadagiti amin a pagilian ket ringbawan ti dayagna dagiti tangatang.

Jehovah is high above all nations, his glory above the heavens.

5 Siasino ti kas kenni Yahweh a Diostayo, a nakatugaw idiay ngato,

Who is like unto Jehovah our God, who hath placed his dwelling on high;

6 a mangtantan-aw iti tangatang ken iti daga?

Who humbleth himself to look on the heavens and on the earth?

7 Iyaonna ti marigrigat manipud iti rugit ken ipangatona dagiti agkasapulan manipud iti bunton ti dapo

He raiseth up the poor out of the dust; from the dung-hill he lifteth up the needy,

8 tapno patugawenna isuna kadagiti prinsipe, kadagiti prinsipe dagiti tattaona.

To set [him] among nobles, among the nobles of his people.

9 Ik-ikkanna iti pagtaengan ti lupes a babai a kasla narag-o nga ina dagiti ubbing. Idaydayawyo ni Yahweh.

He maketh the barren woman to keep house, [as] a joyful mother of sons. Hallelujah!