Dagiti Salmo 112

1 Idaydayawyo ni Yahweh. Nagasat ti tao nga agtultulnog kenni Yahweh, nga agragragsak unay kadagiti bilbilinna.

Praise ye the LORD! Happy the man who feareth the LORD, Who taketh delight in his commandments!

2 Agbalinto a nabileg dagiti kaputotanna iti rabaw ti daga; mabendisionanto dagiti kaputotan ti nadiosan a tao.

His posterity shall be mighty on the earth; The race of the righteous shall be blessed.

3 Sanikua ken kinabaknang ket adda iti balayna; ti kinalintegna agtalinaed iti agnanayon.

Wealth and riches shall be in his house; His righteousness shall endure for ever.

4 Adda iti agraniag a lawag iti kasipngetan iti nadiosan a tao; naparabur, manangngaasi, ken nalinteg isuna.

To the righteous shall arise light out of darkness; He is gracious and full of compassion and righteousness.

5 Nasayaat ti mapasamak iti tao a naparabur ken agpabulod iti kuarta, a napudno kadagiti panagtrabahona.

Happy the man who hath pity and lendeth! He shall sustain his cause in judgment;

6 Ta saanto pulos isuna a magaraw; agnanayonto a malaglagip ti nalinteg a tao.

Yea, he shall never be moved: The righteous shall be in everlasting remembrance.

7 Saanna a kabuteng dagiti dakes a damag; natalged isuna nga agtaltalek kenni Yahweh.

He is not afraid of evil tidings; His heart is firm, trusting in the LORD.

8 Natalna ti pusona, a saan nga agbuteng, agingga a makitana ti balligi manipud kadagiti kabusorna.

His heart is firm; he hath no fear, Till he see his desire upon his enemies.

9 Naparabur isuna a mangmangted kadagiti marigrigat; ti kinalintegna ket agtalinaed iti agnanayon; mapadayawanto isuna.

He hath scattered blessings; he hath given to the poor; His righteousness shall endure for ever; His horn shall be exalted with honor.

10 Makapungtot no makita daytoy ti managdakdakes a tao; agngaretnget ti ngipenna ket pumanaw isuna; mapukawto ti tarigagay dagiti managdakdakes a tattao.

The wicked shall see, and be grieved; He shall gnash his teeth, and melt away; The desire of the wicked shall perish.