Dagiti Salmo 112

1 Idaydayawyo ni Yahweh. Nagasat ti tao nga agtultulnog kenni Yahweh, nga agragragsak unay kadagiti bilbilinna.

Hallelujah! Blessed is the man who fears the LORD, who greatly delights in His commandments.

2 Agbalinto a nabileg dagiti kaputotanna iti rabaw ti daga; mabendisionanto dagiti kaputotan ti nadiosan a tao.

His descendants will be mighty in the land; the generation of the upright will be blessed.

3 Sanikua ken kinabaknang ket adda iti balayna; ti kinalintegna agtalinaed iti agnanayon.

Wealth and riches are in his house, and his righteousness endures forever.

4 Adda iti agraniag a lawag iti kasipngetan iti nadiosan a tao; naparabur, manangngaasi, ken nalinteg isuna.

Light dawns in the darkness for the upright— for the gracious, compassionate, and righteous.

5 Nasayaat ti mapasamak iti tao a naparabur ken agpabulod iti kuarta, a napudno kadagiti panagtrabahona.

It is well with the man who is generous and lends freely, whose affairs are guided by justice.

6 Ta saanto pulos isuna a magaraw; agnanayonto a malaglagip ti nalinteg a tao.

Surely he will never be shaken; the righteous man will be remembered forever.

7 Saanna a kabuteng dagiti dakes a damag; natalged isuna nga agtaltalek kenni Yahweh.

He does not fear bad news; his heart is steadfast, trusting in the LORD.

8 Natalna ti pusona, a saan nga agbuteng, agingga a makitana ti balligi manipud kadagiti kabusorna.

His heart is assured; he does not fear, until he looks in triumph on his foes.

9 Naparabur isuna a mangmangted kadagiti marigrigat; ti kinalintegna ket agtalinaed iti agnanayon; mapadayawanto isuna.

He has scattered abroad his gifts to the poor; his righteousness endures forever; his horn will be lifted high in honor.

10 Makapungtot no makita daytoy ti managdakdakes a tao; agngaretnget ti ngipenna ket pumanaw isuna; mapukawto ti tarigagay dagiti managdakdakes a tattao.

The wicked man will see and be grieved; he will gnash his teeth and waste away; the desires of the wicked will perish.