Dagiti Salmo 108

1 Natalged ti pusok, O Dios, agkantaak, wen, agkantaak met kadagiti pagdaydayaw iti napadayawan a pusok.

O god, my heart is fixed; I will sing and give praise, even with my glory.

2 Agriingkayo, salterio ken arpa; riingek ti parbangon.

Awake, psaltery and harp: I myself will awake early.

3 Agyamanak kenka, O Yahweh, iti imatang dagiti tattao; agkantaak iti pagdaydayaw iti imatang dagiti nasion.

I will praise you, O LORD, among the people: and I will sing praises unto you among the nations.

4 Ta naindaklan ti kinapudnom iti tulagmo iti ngatoen dagiti langit; ken dumanon iti tangatang ti kinamatalekmo.

For your mercy is great above the heavens: and your truth reachs unto the clouds.

5 Maitan-okka, O Dios, iti ngatoen dagiti langit, ket maitan-ok koma iti dayagmo iti entero a daga.

Be you exalted, O God, above the heavens: and your glory above all the earth;

6 Tapno maispal koma dagiti ay-ayatem, ispalennakami babaen iti makannawan nga imam ken sungbatannak.

That your beloved may be delivered: save with your right hand, and answer me.

7 Nagsao ti Dios iti kinasantona, “Agrag-oak; gudduaek ti Sikem ken bingbingayek iti tanap ti Succot.

God has spoken in his holiness; I will rejoice, I will divide Shechem, and mete out the valley of Succoth.

8 Kukuak ti Galaad, ken kukuak ti Manase; ken saripda met ti ulok ti Efraim, ken ti Juda ti setrok.

Gilead is mine; Manasseh is mine; Ephraim also is the strength of mine head; Judah is my lawgiver;

9 Ti Moab ti pagbuggoak a palanggana; ipurruakkonto ti sapatosko idiay Edom; agpukkawakto ti panagballigi gapu iti Filistia.

Moab is my pot for washing; over Edom will I cast out my shoe; over Philistia will I triumph.

10 Siasinonto ti mangiyeg kaniak iti nabileg a siudad? Siasinonto ti mangidalan kaniak idiay Edom?

Who will bring me into the strong city? who will lead me into Edom?

11 O Dios, laklaksidennakami kadi? Saanka a kumuykuyog kadagiti armadami a makigubat.

Will not you, O God, who have cast us off? and will not you, O God, go forth with our hosts?

12 Tulongannakami a maibusor kadagiti kabusor, ta awan serserbi ti tulong ti tao.

Give us help from trouble: for vain is the help of man.

13 Agballigikaminto babaen iti tulong ti Dios; ibaddeknanto dagiti kabusormi.

Through God we shall do valiantly: for he it is that shall tread down our enemies.