Dagiti Salmo 104
1 Idaydayawko ni Yahweh iti amin a biagko, Yahweh a Diosko, naindaklanka unay; nakawesanka iti dayaw ken daeg.
| ברכי נפשי את-יהוה יהוה אלהי גדלת מאד הוד והדר לבשת |
2 Nabungonka iti lawag a kas iti pagan-anay; uk-ukradem dagiti langit a kas iti kurtina ti tolda.
| עטה-אור כשלמה נוטה שמים כיריעה |
3 Ipaspasdekmo dagiti arwanan dagiti siledmo iti rabaw dagiti ulep; ar-aramidem a karwahem dagiti ul-ulep; magmagnaka kadagiti payak ti angin.
| המקרה במים עליותיו השם-עבים רכובו המהלך על-כנפי-רוח |
4 Pagbalbalinenna dagiti angin menmensaherona, dagiti gil-ayab ti apuy nga adipenna.
| עשה מלאכיו רוחות משרתיו אש להט |
5 Impasdekna ti pundasion ti daga, ket saanto a pulos daytoy a magunggon.
| יסד-ארץ על-מכוניה בל-תמוט עולם ועד |
6 Inabbongam ti daga iti danum a kas iti kawes; inabbongan ti danum dagiti banbantay.
| תהום כלבוש כסיתו על-הרים יעמדו מים |
7 Ti panangbabalawmo ti nangpaes-es kadagiti danum; dagus a pimmanawda gapu iti dumanaranudor a timekmo.
| מן-גערתך ינוסון מן-קול רעמך יחפזון |
8 Bimmangon dagiti banbantay, ken nagwaras dagiti tanap kadagiti disso nga indutokmo para kadakuada.
| יעלו הרים ירדו בקעות-- אל-מקום זה יסדת להם |
9 Nangikabilka iti beddeng para kadakuada a didanto ballasiwen; ket saandanto manen nga abbongan ti lubong.
| גבול-שמת בל-יעברון בל-ישבון לכסות הארץ |
10 Pinagayusna dagiti ubbog kadagiti tanap; nagayus dagiti waig kadagiti nagbabaetan dagiti bantay.
| המשלח מעינים בנחלים בין הרים יהלכון |
11 Dagitoy ti paggapuan ti inumen dagiti amin nga ayup iti taltalon, ep-ependa ti pannakawaw dagiti atap nga asno.
| ישקו כל-חיתו שדי ישברו פראים צמאם |
12 Kadagiti igid iti karayan, agaramid dagiti billit kadagiti umokda; agkakantada kadagiti sangsanga.
| עליהם עוף-השמים ישכון מבין עפאים יתנו-קול |
13 Sibsibuganna dagiti bantay manipud kadagiti siled ti danumna idiay tangatang. Napnoan ti lubong kadagiti bunga ti nagbannoganna.
| משקה הרים מעליותיו מפרי מעשיך תשבע הארץ |
14 Pagtubtuboenna dagiti ruot para kadagiti dingwen ken mula a taripatoen dagiti tattao tapno makapataudda iti taraon manipud iti daga.
| מצמיח חציר לבהמה ועשב לעבדת האדם להוציא לחם מן-הארץ |
15 Ar-aramidenna ti arak tapno rumagsak ti tao, iti lana tapno rumaniag ti rupana, ken taraon tapno umatiddog ti biag daytoy.
| ויין ישמח לבב-אנוש-- להצהיל פנים משמן ולחם לבב-אנוש יסעד |
16 Masibsibogan a nasayaat dagiti kayo ni Yahweh; inmulana dagiti sedro ti Lebanon.
| ישבעו עצי יהוה-- ארזי לבנון אשר נטע |
17 Sadiay ti pagumokan dagiti billit. Pagbalbalinen ti kannaway a pagbalayanna ti kayo ti saleng.
| אשר-שם צפרים יקננו חסידה ברושים ביתה |
18 Agnanaed dagiti atap a kalding kadagiti nangangato a bantay; agserserbi a kamang dagiti koneho ti tuktok ti bantay.
| הרים הגבהים ליעלים סלעים מחסה לשפנים |
19 Dinutokanna ti bulan a mangmarka iti panagbaliw dagiti panawen; ammo ti init ti tiempo ti ilelennekna.
| עשה ירח למועדים שמש ידע מבואו |
20 Ar-aramidem ti sipnget iti rabii a tiempo a rumrummuar dagiti amin a narurungsot nga ayup.
| תשת-חשך ויהי לילה-- בו-תרמש כל-חיתו-יער |
21 Agngerngernger dagiti urbon a leon iti panangbirukda kadagiti tukmaanda ken birbirukenda ti taraonda iti agtaud iti Dios.
| הכפירים שאגים לטרף ולבקש מאל אכלם |
22 Tunggal sumingising ti init, agsublida a maturog kadagiti rukibda.
| תזרח השמש יאספון ואל-מעונתם ירבצון |
23 Kabayatanna, mapan agtrabaho dagiti tattao ket agtrabahoda agingga iti rabii.
| יצא אדם לפעלו ולעבדתו עדי-ערב |
24 Anian a nagadu ken nadumaduma ti aramidmo, O Yahweh! Inaramidmo amin dagitoy babaen iti kinasirib; agluplupias ti daga kadagiti aramidmo.
| מה-רבו מעשיך יהוה-- כלם בחכמה עשית מלאה הארץ קנינך |
25 Sadiay ti ayan ti nauneg ken nalawa a baybay, a napno kadagiti saan a mabilang a parsua, babassit man ken dadakkel.
| זה הים גדול-- ורחב ידים שם-רמש ואין מספר חיות קטנות עם-גדלות |
26 Agdaldaliasat sadiay dagiti barko, ken adda met sadiay ti Leviatan nga inaramidmo nga agay-ayam idiay baybay.
| שם אניות יהלכון לויתן זה-יצרת לשחק-בו |
27 Agpannuray amin dagitoy kenka tapno taraonam ida iti naituding a tiempo.
| כלם אליך ישברון-- לתת אכלם בעתו |
28 No kasta nga ikkam ida, ummongenda; no kasta nga ilukatmo ti dakulapmo, mapnekda.
| תתן להם ילקטון תפתח ידך ישבעון טוב |
29 No kasta nga ilingedmo ta rupam, mariribukanda, no bawyem ti angesda, matayda ken agsublida iti tapok.
| תסתיר פניך יבהלון תסף רוחם יגועון ואל-עפרם ישובון |
30 No ibaonmo ti Espiritum, maparsuada ken pinabarum ti away.
| תשלח רוחך יבראון ותחדש פני אדמה |
31 Agpaut koma iti agnanayon ti dayag ni Yahweh; ragragsaken koma ni Yahweh ti parsuana.
| יהי כבוד יהוה לעולם ישמח יהוה במעשיו |
32 Tantannawaganna ti daga ket agkintayeg daytoy, sagsagidenna dagiti bantay ket agasukda.
| המביט לארץ ותרעד יגע בהרים ויעשנו |
33 Kantaak ni Yahweh iti amin a biagko; Agkantaak ti panagdaydayaw iti Diosko agingga a sibibiagak.
| אשירה ליהוה בחיי אזמרה לאלהי בעודי |
34 Agbalin koma a nasam-it kenkuana ti kapanunotak; Agragragsakak kenni Yahweh.
| יערב עליו שיחי אנכי אשמח ביהוה |
35 Mapukaw koma dagiti managbasol iti daga, ken maawan koma dagiti nadangkes. Idaydayawko ni Yahweh iti amin a biagko. Idaydayawyo ni Yahweh.
| יתמו חטאים מן-הארץ ורשעים עוד אינם-- ברכי נפשי את-יהוה הללו-יה |
