Dagiti Salmo 103
1 Idaydayawko ni Yahweh iti amin a biagko, ken iti amin nga adda kaniak, idaydayawko ti nasantoan a naganna.
| לדוד ברכי נפשי את-יהוה וכל-קרבי את-שם קדשו |
2 Idaydayawko ni Yahweh iti amin a biagko, ken laglagipek dagiti amin a naimbag nga aramidna.
| ברכי נפשי את-יהוה ואל-תשכחי כל-גמוליו |
3 Pakpakawanenna dagiti amin a basbasolmo; agasanna dagiti amin a saksakitmo.
| הסלח לכל-עונכי הרפא לכל-תחלואיכי |
4 Subsubotenna ti biagmo manipud iti pannakadadael; balbalangatannaka iti kinapudno ti tulag ken kinamanangngaasi.
| הגואל משחת חייכי המעטרכי חסד ורחמים |
5 Penpennekenna ti biagmo kadagiti nasasayaat a banbanag tapno mapabaro ti kinaagtutubom a kas iti agila.
| המשביע בטוב עדיך תתחדש כנשר נעוריכי |
6 Ar-aramiden ni Yahweh no ania ti rumbeng ken ar-aramidenna ti nainkalintegan kadagiti amin a maidaddadanes.
| עשה צדקות יהוה ומשפטים לכל-עשוקים |
7 Impakaammona kenni Moises dagiti wagasna, dagiti aramidna kadagiti kaputotan ti Israel.
| יודיע דרכיו למשה לבני ישראל עלילותיו |
8 Manangngaasi ken managparabur ni Yahweh; naanus isuna; addaan isuna iti naindaklan a kinapudno iti katulagan.
| רחום וחנון יהוה ארך אפים ורב-חסד |
9 Saan isuna a kanayon a mangdisdisiplina; saan isuna a kanayon nga agunget.
| לא-לנצח יריב ולא לעולם יטור |
10 Saannatayo a dusaen a kas maiparbeng kadagiti basoltayo wenno saannatayo a pagbayaden iti supapak kadagiti basoltayo.
| לא כחטאינו עשה לנו ולא כעונתינו גמל עלינו |
11 Kas iti kangato dagiti tangatang manipud iti daga, kasta ti kinaindaklan ti kinapudnona iti tulagna kadagiti mangraraem kenkuana.
| כי כגבה שמים על-הארץ-- גבר חסדו על-יראיו |
12 Kas iti kaadayo ti daya manipud iti laud, kastoy ti kaadayo ti panangikkatna iti bayad dagiti basbasoltayo manipud kadatayo.
| כרחק מזרח ממערב-- הרחיק ממנו את-פשעינו |
13 Kas iti panagayat ti maysa nga ama kadagiti annakna, kasta met ti panagayat ni Yahweh kadagiti mangidaydayaw kenkuana.
| כרחם אב על-בנים-- רחם יהוה על-יראיו |
14 Ta ammona no kasanotayo a nabukel; ammona a tapoktayo.
| כי-הוא ידע יצרנו זכור כי-עפר אנחנו |
15 No iti tao, kasla ruot dagiti aldawna; lumangto isuna a kas iti sabong iti taltalon.
| אנוש כחציר ימיו כציץ השדה כן יציץ |
16 Pul-uyan ti angin daytoy, ket mapukaw, ken awan ti uray maysa a makaibaga no sadino ti nagtuboanna.
| כי רוח עברה-בו ואיננו ולא-יכירנו עוד מקומו |
17 Ngem ti kinapudno ni Yahweh iti tulagna ket agnanayon nga awan inggana kadagidiay a mangraraem kenkuana. Agtultuloy ti kinalintegna kadagiti kaputotanda.
| וחסד יהוה מעולם ועד-עולם-- על-יראיו וצדקתו לבני בנים |
18 Tungtungpalenda ti tulagna ken laglagipenda nga agtulnog kadagiti bilbilinna.
| לשמרי בריתו ולזכרי פקדיו לעשותם |
19 Imbangon ni Yahweh ti tronona idiay langit, ken agturturay ti pagarianna iti amin.
| יהוה--בשמים הכין כסאו ומלכותו בכל משלה |
20 Idaydayawyo ni Yahweh, dakayo nga anghel nga addaan iti naindaklan a kinapigsa ken tungpalenyo ti saona, kas natulnog kadagiti bilbilinna.
| ברכו יהוה מלאכיו גברי כח עשי דברו לשמע בקול דברו |
21 Idaydayawyo ni Yahweh, dakayo amin nga armada ti anghelna, dakayo dagiti adipenna a mangipatpatungpal iti pagayatanna.
| ברכו יהוה כל-צבאיו-- משרתיו עשי רצונו |
22 Idaydayawyo ni Yahweh, dakayo amin a parsuana, iti amin a lugar a pagturturayanna. Idaydayawko ni Yahweh iti amin a biagko.
| ברכו יהוה כל-מעשיו-- בכל-מקמות ממשלתו ברכי נפשי את-יהוה |
