Dagiti Salmo 1

1 Nagasat ti tao a saan a magna iti pammagbaga dagiti nadangkes, wenno agtakder iti dalan dagiti managbasol, wenno agtugaw iti taripnong dagiti manglalais.

Blessed is the one who doesn't follow the advice of the wicked, or take the path of sinners, or join in with scoffers.

2 Ngem ti ragsakna ket adda iti linteg ni Yahweh, ken ut-utobenna ti linteg ni Yahweh iti aldaw ken rabii.

But his delight is in the law of Jehovah, and on his law he meditates day and night.

3 Maiyarig isuna iti maysa a kayo a naimula iti igid dagiti waig nga agbunga iti tiempona, a saan a malaylay dagiti bulongna; agballigi ti aniaman nga aramidenna.

He will be like a tree planted by the streams of water, that brings forth its fruit in its season, whose leaf also does not wither, and whatever he does shall prosper.

4 Saan a kasta dagiti nadangkes, ngem kasla ketdi iti taep nga itayab ti angin.

Not so with the wicked; instead, they are like the chaff which the wind drives away.

5 Isu a saanto a makatakder dagiti nadangkes iti panangukom, wenno dagiti managbasol iti taripnong dagiti nalinteg.

Therefore the wicked shall not stand in the judgment, nor sinners in the congregation of the righteous.

6 Ta anamungan ni Yahweh ti dalan dagiti nalinteg, ngem mapukawto ti dalan dagiti nadangkes.

For Jehovah knows the way of the righteous, but the way of the wicked shall perish.