Dagiti Proverbio 9
1 Impatakder ti Kinasirib ti bukodna a balay; nangaramid isuna iti pito nga adigi manipud kadagiti batbato.
Wisdom has built her house. She has set up her seven pillars.
2 Nangisagana isuna kadagiti ayup a kukuana a maidasar a pangrabii; tinimplana ti arakna; ken insaganana ti lamisaanna.
She has prepared her meat. She has mixed her wine. She has also set her table.
3 Nangibaon isuna kadagiti babaonenna a mapan mangawis ket umaw-awag isuna manipud iti kangangatoan a disso iti siudad:
She has sent out her maidens. She cries from the highest places of the city:
4 “Paumayenyo koma ditoy dagiti saan a nasursuroan!” kunana kadagiti awan ammona.
"Whoever is simple, let him turn in here." As for him who is void of understanding, she says to him,
5 “Umaykayo, kanenyo ti taraonko, ken inumenyo ti tinemplak nga arak.
"Come, eat some of my bread, Drink some of the wine which I have mixed.
6 Ibatiyo ti kinaignoranteyo, ket agbiagkayo; magnakayo iti dalan ti pannakaawat.
Leave your simple ways, and live. Walk in the way of understanding."
7 Siasinoman a mangbabalaw iti mananglais ket mangaw-awis iti mismo a pannakairurumenna, ken siasinoman a mangtubngar iti nadangkes a tao ket madangran.
He who corrects a mocker invites insult. He who reproves a wicked man invites abuse.
8 Saanmo a tubtubngaren ti mananglais, di la ket ta guraennaka; tubngarem ti nasirib a tao, ket ayatennaka.
Do not reprove a scoffer, lest he hate you. Reprove a wise man, and he will love you.
9 Isuroam ti nasirib a tao, ket ad-adda a sumirsirib pay isuna; isuroam ti nalinteg a tao, ket manayunanto pay ti ammona.
Instruct a wise man, and he will be still wiser. Teach a righteous man, and he will increase in learning.
10 Ti panagbuteng kenni Yahweh ket isu ti pangrugian ti kinasirib, ken ti pannakaammo iti maipapan iti Nasantoan ket pannakaawat.
The fear of Jehovah is the beginning of wisdom. The knowledge of the Holy One is understanding.
11 Ta babaen kaniak ket mapaadunto dagiti al-aldawmo, ken manayunan ti tawtawen ti panagbiagmo.
For by me your days will be multiplied. The years of your life will be increased.
12 No nasiribka, nasiribka a maipaay met laeng kenka, ngem no manglaiska, baklayemto nga agmaymaysa.”
If you are wise, you are wise for yourself. If you mock, you alone will bear it.
13 Naariwawa ti maag a babai- awan sursurona ken awan ammona.
The foolish woman is loud, Undisciplined, and knows nothing.
14 Agtugtugaw isuna iti ruangan ti balayna, iti tugaw nga adda iti kangangatoan a disso iti ili.
She sits at the door of her house, on a seat in the high places of the city,
15 Aw-awaganna dagiti lumablabas, dagiti tattao nga agbibiag a sililinteg.
To call to those who pass by, who go straight on their ways,
16 “Paumayenyo koma ditoy dagiti saan a nasursuroan!” kinunana kadagiti awan ammona.
"Whoever is simple, let him turn in here." as for him who is void of understanding, she says to him,
17 “Nasam-it dagiti tinakaw a danum, ken naimas ti tinakaw a tinapay.”
"Stolen water is sweet. Food eaten in secret is pleasant."
