Dagiti Proverbio 19
1 Nasaysayaat ti nakurapay a tao nga agbibiag iti kinalinteg ngem iti maysa a maag a dakes ti panagsasaona.
| טוב רש הולך בתמו מעקש שפתיו והוא כסיל׃ |
2 Kasta met, a saan a nasayaat ti agtarigagay nga awanan iti pannakaammo, ken ti tumaray a nakaparpartak ket maiyaw-awan iti dalan.
| גם בלא דעת נפש לא טוב ואץ ברגלים חוטא׃ |
3 Ti kinamaag ti maysa a tao ti mangdadael iti biagna, ken busbusorenna ni Yahweh.
| אולת אדם תסלף דרכו ועל יהוה יזעף לבו׃ |
4 Umado ti gagayyem gapu iti kinabaknang, ngem maisina ti nakurapay a tao kadagiti gagayyemna.
| הון יסיף רעים רבים ודל מרעהו יפרד׃ |
5 Saan a mabalin a saan a madusa ti maysa a palso a saksi, ken saan a makalibas ti agisawsawang iti inuulbod.
| עד שקרים לא ינקה ויפיח כזבים לא ימלט׃ |
6 Adunto dagiti dumawat iti pabor manipud iti mannangited a tao, ken tunggal maysa ket gayyem ti manangted iti sagut.
| רבים יחלו פני נדיב וכל הרע לאיש מתן׃ |
7 Amin a kakabsat ti nakurapay a tao ket kagurada isuna; ad-adda pay ngarud nga ad-adaywan isuna dagiti gagayyemna! Aw-awaganna ida, ngem awandan.
| כל אחי רש שנאהו אף כי מרעהו רחקו ממנו מרדף אמרים לא המה׃ |
8 Ti mangnaynayon iti kinasiribna ket ipatpategna ti bukodna a biag; ti mangsalsalimetmet iti pannakaawat ket makabirok iti naimbag.
| קנה לב אהב נפשו שמר תבונה למצא טוב׃ |
9 Saan a mabalin a saan a madusa ti maysa a palso a saksi, ngem mapukaw ti agisawsawang iti inuulbod.
| עד שקרים לא ינקה ויפיח כזבים יאבד׃ |
10 Saan a rumbeng nga agbiag iti narang-ay ti maysa a maag - ad-adda a saan a rumbeng nga iturayan ti maysa a tagabu dagiti prinsipe.
| לא נאוה לכסיל תענוג אף כי לעבד משל בשרים׃ |
11 Ti pannakaammo ti mangmangted iti kabaelan iti maysa a tao tapno saan a nalaka a makaunget, ken pakaidayawanna ti panangpalabasna iti nagbasolanda kenkuana.
| שכל אדם האריך אפו ותפארתו עבר על פשע׃ |
12 Ti pungtot ti ari ket kasla panagngernger ti urbon a leon, ngem ti asina ket kasla linnaaw kadagiti karuotan.
| נהם ככפיר זעף מלך וכטל על עשב רצונו׃ |
13 Ti maag nga anak ket pakaibabainan ti amana, ken ti dumanayudom nga asawa a babai ket kas iti danum nga agtedtedted a kanayon.
| הות לאביו בן כסיל ודלף טרד מדיני אשה׃ |
14 Ti balay ken kinabaknang ket matawtawid manipud kadagiti nagannak, ngem ti nanakem nga asawa a babai ket aggapu kenni Yahweh.
| בית והון נחלת אבות ומיהוה אשה משכלת׃ |
15 Ti kinasadut ket paturogenna ti tao, ngem agbisin ti tao a saanna a kayat ti agtrabaho.
| עצלה תפיל תרדמה ונפש רמיה תרעב׃ |
16 Ti tao a mangtungtungpal iti bilin ket salsaluadanna ti biagna, ngem matay ti tao a saan a mangutob iti maipanggep kadagiti wagasna.
| שמר מצוה שמר נפשו בוזה דרכיו יומת׃ |
17 Ti siasinoman a naasi kadagiti nakurapay ket kasla padpadawatanna ni Yahweh, ket bayadanto ni Yahweh isuna kadagiti inaramidna.
| מלוה יהוה חונן דל וגמלו ישלם לו׃ |
18 Disiplinaam ti anakmo kabayatan nga adda pay namnama, ken saanmo koma nga itulok a mapukaw ti biagna.
| יסר בנך כי יש תקוה ואל המיתו אל תשא נפשך׃ |
19 Masapul a bayadan ti tao a managpungtot ti pannusa; no ispalem isuna, masapul nga aramidem daytoy iti mamindua.
| גרל חמה נשא ענש כי אם תציל ועוד תוסף׃ |
20 Denggem ti balakad ken awatem ti pannursuro, tapno sumiribka agingga iti pagpatinggaan ti biagmo.
| שמע עצה וקבל מוסר למען תחכם באחריתך׃ |
21 Adu dagiti plano iti puso ti maysa a tao, ngem ti plano ni Yahweh ti matungpal.
| רבות מחשבות בלב איש ועצת יהוה היא תקום׃ |
22 Ti kinapudno ti tartarigagayan ti maysa a tao, ken nasaysayaat ti nakurapay a tao ngem ti ulbod.
| תאות אדם חסדו וטוב רש מאיש כזב׃ |
23 Ti panangidaydayaw kenni Yahweh ti mangiturturong kadagiti tattao iti biag; mapnek ti siasinoman nga addaan kadagitoy ken saan a madangran.
| יראת יהוה לחיים ושבע ילין בל יפקד רע׃ |
24 Idisso ti sadut ti imana iti pinggan; a saanna payen a maingato daytoy nga isubo iti ngiwatna.
| טמן עצל ידו בצלחת גם אל פיהו לא ישיבנה׃ |
25 No dangram ti mananglais, agbalin a nanakem ti nengneng; ilintegmo ti adda pannakaawatna ket magun-odnanto ti pannakaammo.
| לץ תכה ופתי יערם והוכיח לנבון יבין דעת׃ |
26 Ti tao a taktakawanna ti amana ken pagtaltalawenna ti inana ket anak a mangipapaay iti pakaibabainan ken pakaum-umsian.
| משדד אב יבריח אם בן מביש ומחפיר׃ |
27 No isardengmo ti dumngeg iti pannursuro, anakko, malipatam dagiti sasao iti pannakaammo.
| חדל בני לשמע מוסר לשגות מאמרי דעת׃ |
28 Lalaisen ti dakes a saksi ti hustisia, ken tiltilmunen ti ngiwat dagiti nadangkes ti basol.
| עד בליעל יליץ משפט ופי רשעים יבלע און׃ |
29 Nakasaganan ti panangukom para kadagiti mananglais, ken ti saplit para kadagiti bukot dagiti maag.
| נכונו ללצים שפטים ומהלמות לגו כסילים׃ |
