Job 8
1 Kalpasanna, simmungbat ni Bildad a Suhita ket kinunana,
| ויען בלדד השוחי ויאמר׃ |
2 “Kasano pay kabayag nga ibagam dagitoy a banbanag? Kasano pay kabayag a dagiti sasao ti ngiwatmo ket agbalin a napigsa nga angin?
| עד אן תמלל אלה ורוח כביר אמרי פיך׃ |
3 Ballikugen kadi ti Dios ti hustisia? Ballikugen kadi ti Mannakabalin amin ti kinalinteg?
| האל יעות משפט ואם שדי יעות צדק׃ |
4 Nagbasol dagiti annakmo kenkuana, ammomi daytoy, ta impaimana ida kadagiti basbasolda.
| אם בניך חטאו לו וישלחם ביד פשעם׃ |
5 Ngem kas pangarigan a sipapasnekka a nangbirok iti Dios ken indatagmo dagiti kiddawmo iti Mannakabalin amin.
| אם אתה תשחר אל אל ואל שדי תתחנן׃ |
6 Kas pangarigan nasin-aw ken nalintegka; ket awan duadua nga agtignay isuna para kenka ken gun-gonaannaka iti pagtaengan a pudno a kukuam.
| אם זך וישר אתה כי עתה יעיר עליך ושלם נות צדקך׃ |
7 Uray no bassit ti nagrugiam, nasaysayaatto latta ti maudi a kasasaadmo.
| והיה ראשיתך מצער ואחריתך ישגה מאד׃ |
8 Ta agpakpakaasiak kenka, nga agpalutpotka, maipanggep iti napalabas a panawen; usarem ti bagim a mangadal kadagiti naduktalan dagiti kapuonantayo.
| כי שאל נא לדר רישון וכונן לחקר אבותם׃ |
9 (Naiyanaktayo laeng idi kalman ken awan iti ammotayo gapu ta anniniwan dagiti aldawtayo iti daga).
| כי תמול אנחנו ולא נדע כי צל ימינו עלי ארץ׃ |
10 Saandaka kadi nga isuro wenno ibaga kenka? Saanda kadi nga agsao manipud kadagiti pusoda?
| הלא הם יורוך יאמרו לך ומלבם יוצאו מלים׃ |
11 Dumakkel kadi ti badobadok no awan ti lubnak? Dumakkel kadi ti runo no awan ti danum?
| היגאה גמא בלא בצה ישגה אחו בלי מים׃ |
12 Kabayatan a nalangtoda pay ken saanda pay a napukan, malaylayda sakbay kadagiti sabali a mula.
| עדנו באבו לא יקטף ולפני כל חציר ייבש׃ |
13 Kasta met laeng dagiti dalan dagiti amin a manglipat iti Dios, mapukawto ti namnama dagiti tattao nga awan ti diosna-
| כן ארחות כל שכחי אל ותקות חנף תאבד׃ |
14 dagiti addaan iti kinatalged a madadael, ken dagidiay kas karasi ti saput ti lawalawa ti talekna.
| אשר יקוט כסלו ובית עכביש מבטחו׃ |
15 Agsadag ti kasta a tao iti balayna, ngem saan a tumakder daytoy; kumpet isuna iti daytoy, ngem saan daytoy nga agpaut.
| ישען על ביתו ולא יעמד יחזיק בו ולא יקום׃ |
16 Berde isuna iti sirok ti init, ket agtubo dagiti saringitna iti entero a minuyonganna.
| רטב הוא לפני שמש ועל גנתו ינקתו תצא׃ |
17 Balkuten dagiti ramutna dagiti gabsuon ti bato; agbirok dagitoy iti nasayaat a lugar kadagiti kabatbatoan.
| על גל שרשיו יסבכו בית אבנים יחזה׃ |
18 Ngem no madadael daytoy a tao iti lugarna, ket ilibakto dayta a lugar isuna ket kunana, 'Saanka a pulos a nakita.'
| אם יבלענו ממקומו וכחש בו לא ראיתיך׃ |
19 Kitaem, daytoy ti “rag-o” ti kababalin iti kasta a tao; agtubo dagiti sabali a mula iti isu met laeng a daga iti lugarna.
| הן הוא משוש דרכו ומעפר אחר יצמחו׃ |
20 Kitaem, saanto a papanawen ti Dios ti awan basolna a tao; wenno saanna nga alaen ti ima dagiti managdakdakes.
| הן אל לא ימאס תם ולא יחזיק ביד מרעים׃ |
21 Ngem punnoennanto ti ngiwatmo iti katkatawa, dagiti bibigmo iti pukpukkaw.
| עד ימלה שחוק פיך ושפתיך תרועה׃ |
22 Makawesanto iti pannakaibabain dagiti manggurgura kenka; awanton ti tolda dagiti nadangkes.”
| שנאיך ילבשו בשת ואהל רשעים איננו׃ |
