Job 40
1 Intuloy ni Yahweh ti nakisarita kenni Job; kinunana;
| ויען יהוה את איוב ויאמר׃ |
2 “Rumbeng kadi a ti siasinoman nga agtarigagay a mangbabalaw ket padasenna nga aturen ti Mannakabalin-amin? Ti makisinsinnupiat iti Dios, bay-am isuna a sumungbat.”
| הרב עם שדי יסור מוכיח אלוה יעננה׃ |
3 Ket simmungbat ni Job kenni Yahweh ket kinunana,
| ויען איוב את יהוה ויאמר׃ |
4 “Kitaem, awan ti pategko; kasanoka a masungbatan? Iyappotko ti imak iti ngiwatko.
| הן קלתי מה אשיבך ידי שמתי למו פי׃ |
5 Nagsaoak iti naminsan, ket saanakon a sumungbat; kinapudnona, namindua, ngem saankon nga ituloy pay.”
| אחת דברתי ולא אענה ושתים ולא אוסיף׃ |
6 Kalpasanna, simmungbat ni Yahweh kenni Job manipud iti nadawel a bagio, kinunana,
| ויען יהוה את איוב מן סערה ויאמר׃ |
7 “Ita barikesam dagiti lumom a kas maysa a lalaki, ta agsaludsodak kenka, ket masapul a sungbatannak.
| אזר נא כגבר חלציך אשאלך והודיעני׃ |
8 Pudno kadi nga ibagam a saanak a nalinteg? Pabasolennak kadi tapno maibagam a hustoka?
| האף תפר משפטי תרשיעני למען תצדק׃ |
9 Addaanka kadi iti takiag a kas iti Dios? Mapaggurruodmo kadi babaen iti timek a kas kekuana?
| ואם זרוע כאל לך ובקול כמהו תרעם׃ |
10 Ita, agkaweska iti kinadayag ken kinatakneng; arkosam ta bagim iti dayaw ken kinatan-ok.
| עדה נא גאון וגבה והוד והדר תלבש׃ |
11 Iwarasmo ti nalabes a pungtotmo; kitaem ti tunggal maysa a napalangguad ket ipababam isuna.
| הפץ עברות אפך וראה כל גאה והשפילהו׃ |
12 Kitaem ti tunggal maysa a napalangguad ket ipababam isuna; ipayatmo dagiti nadangkes a tattao iti pagtaktakderanda.
| ראה כל גאה הכניעהו והדך רשעים תחתם׃ |
13 Ikalim ida a sangsangkamaysa iti daga; ibaludmo dagiti rupada iti nalimed a disso.
| טמנם בעפר יחד פניהם חבש בטמון׃ |
14 Ket, bigbigekto met a kabaelannaka nga isalakan ti bukodmo a makannawan nga ima.
| וגם אני אודך כי תושע לך ימינך׃ |
15 Kitaem ita ti behemot, a pinarsuak a kas ti panangparsuak kenka; mangmangan daytoy iti ruot a kas iti baka.
| הנה נא בהמות אשר עשיתי עמך חציר כבקר יאכל׃ |
16 Ita kitaem, ti pigsana ket adda kadagiti lumona; ti bilegna ket adda iti piskel ti tianna.
| הנה נא כחו במתניו ואנו בשרירי בטנו׃ |
17 Ikutkutina ti ipusna a kas iti maysa a sedro, nagsisilpo dagiti piskel ti luppona.
| יחפץ זנבו כמו ארז גידי פחדו ישרגו׃ |
18 Dagiti tulangna ket kasla kadagiti tubo a bronse; dagiti gurongna ket kasla kadagiti bareta a landok.
| עצמיו אפיקי נחושה גרמיו כמטיל ברזל׃ |
19 Isuna ti pangulo dagiti pinarsua ti Dios. Ti Dios laeng, a nagparsua kenkuana, ti makaparmek kenkuana.
| הוא ראשית דרכי אל העשו יגש חרבו׃ |
20 Ta ipapaayan isuna dagiti turod iti taraon; agay-ayam iti asideg dagiti narungsot nga ayup.
| כי בול הרים ישאו לו וכל חית השדה ישחקו שם׃ |
21 Agid-idda isuna iti sirok dagiti mula a lotus iti salinong dagiti runo, kadagiti ban-aw.
| תחת צאלים ישכב בסתר קנה ובצה׃ |
22 Linlinungan isuna dagiti mula a lotus; adda iti aglawlawna dagiti kayo a karawawe kadagiti waig.
| יסכהו צאלים צללו יסבוהו ערבי נחל׃ |
23 Kitaem, no layusen dagiti ti karayan ti pantarna, saan isuna nga agbuteng; natalek isuna, uray no dumakkel ti danum ti karayan Jordan aggingga iti sungona.
| הן יעשק נהר לא יחפוז יבטח כי יגיח ירדן אל פיהו׃ |
24 Adda kadi makatiliw kenkuana babaen iti kawit, wenno mangtaldeng iti agongna babaen iti silo?
| בעיניו יקחנו במוקשים ינקב אף׃ |
