Job 35

1 Nagtultuloy pay ni Elihu, kinuna,

Elihu spoke moreover, and said,

2 “Panagkunam kadi ket awan basolyo? Panagkunam kadi, 'Nalinlintegak ngem ti Dios?'

Think you this to be right, that you said, My righteousness is more than God’s?

3 Ta ibagbagam, 'Ania koma ti pagsayaatanna kaniak no nalintegak? Ania ti pagsayaatanna kaniak daytoy ita, ngem no nagbasolak?'

For you said, What advantage will it be to you? and, What profit shall I have, if I be cleansed from my sin?

4 Sungbatankayo, sika ken dagiti gagayyemmo.

I will answer you, and your companions with you.

5 Tumangadkayo iti tangatang, ket kitaenyo daytoy; kitaenyo ti tangatang, a nangatngato ngem kadakayo.

Look to the heavens, and see; and behold the clouds which are higher than you.

6 No nakabasolka, ania ti maaramidmo a saan a nasayaat iti Dios? No umado dagiti naglabsingam, ania ti ar-aramidem kenkuana?

If you sin, what do you against him? or if your transgressions be multiplied, what do you to him?

7 No nalintegka, ania iti maitedmo kenkuana? Ania iti maawatna manipud kadagiti imam?

If you be righteous, what give you him? or what receives he of your hand?

8 Ti kinadangkesmo ket mabalin a makadangran iti tao, ta kas taoka, ken ti kinalintegmo ket mabalin a makaited iti pagsayaatan iti sabali a lalaki nga anak ti tao.

Your wickedness may hurt a man as you are; and your righteousness may profit the son of man.

9 Gapu iti adu nga aramid iti panagparparigat, umasug dagiti tattao; umawagda iti tulong iti takiag dagiti maiingel a tattao.

By reason of the multitude of oppressions they make the oppressed to cry: they cry out by reason of the arm of the mighty.

10 Ngem awan iti mangibagbaga, 'Sadino ti ayan ti Dios a Namarsua kaniak, a mangmangted kadagiti kankanta iti rabii,

But none says, Where is God my maker, who gives songs in the night;

11 a mangisursuro kadatayo iti nasaysayaat pay ngem iti panangisurona kadagiti narungsot nga ayup iti daga, ken mangpaspasirib kadatayo ngem kadagiti billit iti tangatang?'

Who teaches us more than the beasts of the earth, and makes us wiser than the fowls of heaven?

12 Sadiay nga umas-asugda, ngem saan a sumungsungbat ti Dios gapu iti kinatangsit dagiti dakes a tattao.

There they cry, but none gives answer, because of the pride of evil men.

13 Awan duadua a saan nga ipangag ti Dios ti asug dagiti maag; saan nga ikaskaso daytoy ti Mannakabalin amin.

Surely God will not hear vanity, neither will the Almighty regard it.

14 Kasano pay a sumungbat isuna no ibagbagayo a saanyo isuna a makitkita, a ti kasasaadmo ket adda iti sangoananna, ken ur-urayem isuna!

Although you say you shall not see him, yet judgment is before him; therefore trust you in him.

15 Kasano pay a sungbatannakayo no ibagbagayo a saanna a pulos a dusdusaen ti siasinoman iti ungetna, ken saan unay isuna a maseknan iti kinatangsit dagiti tattao.

But now, because it is not so, he has visited in his anger; yet he knows it not in great extremity:

16 Isu nga agsasao laeng ni Job kadagiti kinamaag; adu dagiti ibagbagana nga awan kaes-eskanna.”

Therefore does Job open his mouth in vain; he multiplies words without knowledge.