Job 35

1 Nagtultuloy pay ni Elihu, kinuna,

Moreover Elihu answered and said,

2 “Panagkunam kadi ket awan basolyo? Panagkunam kadi, 'Nalinlintegak ngem ti Dios?'

Thinkest thou this to be right, that thou saidst, My righteousness is more than God's?

3 Ta ibagbagam, 'Ania koma ti pagsayaatanna kaniak no nalintegak? Ania ti pagsayaatanna kaniak daytoy ita, ngem no nagbasolak?'

For thou hast asked of what profit it is unto thee: what do I gain more than if I had sinned?

4 Sungbatankayo, sika ken dagiti gagayyemmo.

I will reply to thee in words, and to thy companions with thee.

5 Tumangadkayo iti tangatang, ket kitaenyo daytoy; kitaenyo ti tangatang, a nangatngato ngem kadakayo.

Look unto the heavens and see; and survey the skies: they are higher than thou.

6 No nakabasolka, ania ti maaramidmo a saan a nasayaat iti Dios? No umado dagiti naglabsingam, ania ti ar-aramidem kenkuana?

If thou sinnest, what doest thou against him? If thy transgressions be multiplied, what doest thou unto him?

7 No nalintegka, ania iti maitedmo kenkuana? Ania iti maawatna manipud kadagiti imam?

If thou be righteous, what givest thou to him? or what doth he receive of thy hand?

8 Ti kinadangkesmo ket mabalin a makadangran iti tao, ta kas taoka, ken ti kinalintegmo ket mabalin a makaited iti pagsayaatan iti sabali a lalaki nga anak ti tao.

Thy wickedness [may affect] a man as thou [art], and thy righteousness a son of man.

9 Gapu iti adu nga aramid iti panagparparigat, umasug dagiti tattao; umawagda iti tulong iti takiag dagiti maiingel a tattao.

By reason of the multitude of oppressions they cry; they cry out by reason of the arm of the mighty:

10 Ngem awan iti mangibagbaga, 'Sadino ti ayan ti Dios a Namarsua kaniak, a mangmangted kadagiti kankanta iti rabii,

But none saith, Where is God my Maker, who giveth songs in the night,

11 a mangisursuro kadatayo iti nasaysayaat pay ngem iti panangisurona kadagiti narungsot nga ayup iti daga, ken mangpaspasirib kadatayo ngem kadagiti billit iti tangatang?'

Who teacheth us more than the beasts of the earth, and maketh us wiser than the fowl of the heavens?

12 Sadiay nga umas-asugda, ngem saan a sumungsungbat ti Dios gapu iti kinatangsit dagiti dakes a tattao.

There they cry, and he answereth not, because of the pride of evil men.

13 Awan duadua a saan nga ipangag ti Dios ti asug dagiti maag; saan nga ikaskaso daytoy ti Mannakabalin amin.

Surely God will not hear vanity, neither will the Almighty regard it.

14 Kasano pay a sumungbat isuna no ibagbagayo a saanyo isuna a makitkita, a ti kasasaadmo ket adda iti sangoananna, ken ur-urayem isuna!

Although thou sayest thou dost not see him, judgment is before him, therefore wait for him.

15 Kasano pay a sungbatannakayo no ibagbagayo a saanna a pulos a dusdusaen ti siasinoman iti ungetna, ken saan unay isuna a maseknan iti kinatangsit dagiti tattao.

But now, because he hath not visited in his anger, doth not [Job] know [his] great arrogancy?

16 Isu nga agsasao laeng ni Job kadagiti kinamaag; adu dagiti ibagbagana nga awan kaes-eskanna.”

For Job hath opened his mouth in vanity, and made words abundant without knowledge.