Genesis 5
1 Daytoy ti listaan dagiti kaputotan ni Adan. Iti aldaw a pinarsua ti Dios ti tao, inaramidna ida a kalanglangana.
This, is the record of the generations of Adam. In the day when God created man, In the likeness of God, made he him:
2 Pinarsuana ida a lalaki ken babai. Binendisionanna ida ken pinanagananna ida iti tao, idi naparsuana ida.
Male and female, created he them, —and blessed them, and called their name Adam, in the day they were created.
3 Idi nagbiag ni Adan iti 130 a tawen, naaddaan isuna iti putot a lalaki a kalanglangana, a kaas-aspingna, ket pinanagananna daytoy iti Set.
And Adam lived a hundred and thirty years, and begat [a son] in his likeness after his image, —and called his name Seth:
4 Kalpasan iti pannakaipasngay ni Set, nagbiag pay ni Adan iti 800 a tawen. Naaddaan isuna iti adu pay nga annak a lallaki ken babbai.
and the days of Adam, after he begat Seth, were eight hundred years, and he begat sons and daughters.
5 Nagbiag ni Adan iti 930 a tawen, ket kalpasanna, natay.
So all the days of Adam which he lived, were nine hundred and thirty years, —and he died.
6 Idi nadanon ni Set iti 105 a tawen, naaddaan isuna iti putot ket isu ni Enos.
And Seth lived a hundred and five years, —and begat Enosh:
7 Kalpasan iti pannakaipasngay ni Enos, nagbiag pay ni Set iti 807 a tawen, ken naaddaan isuna iti adu pay nga annak a lallaki ken babbai.
and Seth lived, after he begat Enosh, eight hundred and seven years, —and begat sons and daughters:
8 Nagbiag ni Set iti 912 a tawen, ket kalpasanna, natay.
and all the days of Seth were, nine hundred and I twelve years, —and he died.
9 Idi nadanon ni Enos iti 90 a tawen, naaddaan isuna iti putot ket isu ni Kenan.
And Enosh lived ninety years, —and begat Kenan;
10 Kalpasan iti pannakaipasngay ni Kenan, nagbiag pay ni Enos iti 815 a tawen. Naaddaan isuna iti adu pay nga annak a lallaki ken babbai.
and Enosh lived after he begat Kenan, eight hundred and fifteen years, —and begat sons and daughters;
11 Nagbiag ni Enos iti 905 a tawen, ket kalpasanna, natay.
and all the days of Enosh were nine hundred and five years, —and he died.
12 Idi nadanon ni Kenan iti 70 a tawen, naaddaan isuna iti putot ket isuni Mahalalel.
And Kenan, lived seventy years, —and begat Mahalalel;
13 Kalpasan iti pannakaiyanak ni Mahalalel, nagbiag pay isuna iti 840 a tawen. Naaddaan isuna iti adu pay nga annak a lallaki ken babbai.
and Kenan lived after he begat Mahalalel, eight hundred and forty years, —and begat sons and daughters;
14 Nagbiag ni Kenan iti 910 a tawen, ket kalpasanna, natay.
and all the days of Kenan were, nine hundred and ten years, —and he died.
15 Idi nadanon ni Mahalalel iti 65 a tawen, naaddaan isuna iti putot ket isu ni Jared.
And Mahalalel lived sixty-five years, —and begat Jared;
16 Kalpasan iti pannakaiyanak ni Jared, nagbiag pay ni Mahalalel iti 830 a tawen. Naaddaan isuna iti adu pay nga annak a lallaki ken babbai.
and Mahalalel lived after he begat Jared, eight hundred and thirty years, —and begat sons and daughters;
17 Nagbiag ni Mahalalel iti 895 a tawen, ket kalpasanna, natay.
and all the days of Mahalalel were, eight hundred and ninety-five years, —and he died.
18 Idi nadanon ni Jared iti 162 a tawen, naaddaan isuna iti putot ket isu ni Enoc.
And Jared lived, a hundred and sixty-two years, and begat Enoch;
19 Kalpasan iti pannakaipasngay ni Enoc, nagbiag pay ni Jared iti 800 a tawen. Naaddaan isuna iti adu pay nga annak a lallaki ken babbai.
and Jared lived after he begat Enoch, eight hundred years, —and begat sons and daughters;
20 Nagbiag ni Jared iti 962 a tawen, ket kalpasanna, natay.
and all the days of Jared were, nine hundred and sixty-two years, —and he died.
21 Idi nadanon ni Enoc iti 65 a tawen, naaddaan isuna iti putot ket isu ni Metusalem.
And Enoch lived sixty-five years, —and begat Methuselah;
22 Nagna ni Enoc a kaduana ti Dios iti 300 a tawen kalpasan iti pannakaipasngay ni Metusalem. Naaddaan isuna iti adu pay nga annak a lallaki ken babbai.
and Enoch walked with God, after he begat Methuselah, three hundred years, —and begat sons and daughters;
23 Nagbiag ni Enoc iti 365 a tawen.
and all the days of Enoch were, three hundred and sixty-five years;
24 Nagna ni Enoch a kaduana ti Dios, ket kalpasanna, nagpukaw, ta innala isuna ti Dios.
and Enoch walked with God, —and was not for God had taken him.
25 Idi nadanon ni Metusalem iti 187 a tawen, pinutotna ni Lamek.
And Methuselah lived, a hundred and eighty-seven years, —and begat Lamech;
26 Kalpasan iti pannakaipasngay ni Lamek, nagbiag pay ni Metusalem iti 782 a tawen. Naaddaan isuna iti adu pay nga annak a lallaki ken babbai.
and Methuselah lived, after he begat Lamech, seven hundred and eighty-two years, —and begat sons and daughters;
27 Nagbiag ni Metusalem iti 969 tawen, ket kalpasanna, natay.
and all the days of Methuselah were, nine hundred and sixty-nine years, —and he died.
28 Idi nadanon ni Lamek iti 182 a tawen, naaddaan isuna iti putot a lalaki.
And Lamech lived, a hundred and eighty-two years, —and begat a son;
29 Pinanagananna daytoy iti Noe, kinunana, “Mangiyegto daytoy iti inana manipud iti panagtrabahotayo ken kadagiti nadagsen a trabaho dagiti imatayo, nga isu iti masapul nga aramidentayo gapu iti daga nga inlunod ni Yaweh.
and he called his name Noah saying, —This, one shall give us rest from our work, And from the grievous toil of our hands, By reason of the ground which Yahweh hath cursed,
30 Nagbiag ni Lamek iti 595 a tawen kalpasan iti pannakaipasngay ni Noe. Naaddaan isuna iti adu pay nga annak a lallaki ken babbai.
And Lamech lived, after he begat Noah, five hundred and ninety-five years, —and begat sons and daughters;
31 Nagbiag ni Lamek iti 777 a tawen. Kalpasanna ket natay.
and all the days of Lamech were seven hundred and seventy-seven years, —and he died.
32 Kalpasan a nagbiag ni Noe iti 500 a tawen naaddaan isuna kadagiti annak a ni Sem, Ham ken Jafet.
And Noah was five hundred years old, —and Noah begat Shem, Ham and Japheth.
