Abụ Ọma 99

1 Onyenwe anyị bụ eze, ka mba niile maa jijiji! O wuru ocheeze ya nʼetiti cherubim, ka elu ụwa maa jijiji.

The Lord reigneth; people tremble: he sitteth enthroned over the cherubim; the earth is moved.

2 Onyenwe anyị dị ukwuu nʼime Zayọn; ọ bụ onye e buliri elu karịa mba niile dị iche iche.

The Lord is great in Zion; and he is exalted above all the people.

3 Ka ha too aha gị nke dị ukwuu, dịkwa oke egwu, ọ dị nsọ.

They will give thanks to thy name, great, and terrible, [and] holy it is.

4 Eze bụ onye dị ike, ọ hụrụ ikpe ziri ezi nʼanya, i meela ka ihe ziri ezi guzosie ike; nʼime Jekọb ka i mere ihe ziri ezi na ihe dị mma.

And to the power of the king who loveth justice and righteousness hast thou truly executed in Jacob.

5 Bulienụ Onyenwe anyị Chineke anyị elu, feenụ ofufe nʼihu ebe ihe ịtụkwasị ụkwụ ya; ọ dị nsọ.

Exalt ye the Lord our God, and bow yourselves down before his footstool: he is holy.—

6 Mosis na Erọn so nʼetiti ndị nchụaja ya, Samuel sokwa nʼetiti ndị kpọkuru aha ya; ha kpọkuru Onyenwe anyị ọ zakwara ha.

Moses and Aaron were among his priests, and Samuel among those that call on his name; they called on the Lord, and he answered them.

7 Ọ gwara ha okwu site nʼogidi igwe ojii. Ha debere ụkpụrụ ya na iwu niile o nyere ha.

In the pillar of cloud he used to speak unto them: they kept his testimonies, and the statutes which he had given unto them.

8 O Onyenwe anyị, Chineke anyị, ị zara ha; ị bụụrụ Izrel Chineke onye na-agbaghara mmehie, nʼagbanyeghị na ị tara ha ahụhụ nʼihi mmehie ha.

O Lord, our God, thou didst answer them: thou wast a forgiving God unto them, yet also an avenger for their wrong doings.

9 Bulienụ Onyenwe anyị Chineke anyị elu; na-efe ya ofufe nʼelu ugwu ya dị nsọ, nʼihi na onye dị nsọ ka Onyenwe anyị Chineke anyị bụ.

Exalt the Lord our God, and bow yourselves down before his holy mount; for holy is the Lord our God.