Abụ Ọma 96

1 Bụkuonụ Onyenwe anyị abụ ọhụrụ, bụkuonụ Onyenwe anyị abụ, unu ụwa niile.

Cantate al Signore un canto nuovo, cantate al Signore da tutta la terra.

2 Bụkuonụ Onyenwe anyị abụ, toonu aha ya; kwupụtanụ nzọpụta ya site nʼotu ụbọchị ruo nʼụbọchị nke ọzọ.

Cantate al Signore, benedite il suo nome, annunziate di giorno in giorno la sua salvezza.

3 Kwusaanụ ebube ya nʼetiti mba niile, kọsakwanụ banyere oke ọrụ ya niile nʼetiti ndị niile dị iche iche.

In mezzo ai popoli raccontate la sua gloria, a tutte le nazioni dite i suoi prodigi.

4 Nʼihi na Onyenwe anyị dị ukwuu, bụrụkwa onye kwesiri ịnata otuto; onye a na-atụ egwu karịa chi ọzọ niile ka ọ bụkwa.

Grande è il Signore e degno di ogni lode, terribile sopra tutti gli dei.

5 Nʼihi na chi niile nke mba niile dị iche iche bụ arụsị efu, maọbụ Onyenwe anyị kere eluigwe niile.

Tutti gli dei delle nazioni sono un nulla, ma il Signore ha fatto i cieli.

6 Ịma mma na ebube dị nʼihu ya; ike na otuto dị nʼebe nsọ ya.

Maestà e bellezza sono davanti a lui, potenza e splendore nel suo santuario.

7 Nyenụ Onyenwe anyị, unu ezinaụlọ nke mba niile dị iche iche, nyenụ Onyenwe anyị nsọpụrụ na ike.

Date al Signore, o famiglie dei popoli, date al Signore gloria e potenza,

8 Nyenụ Onyenwe anyị nsọpụrụ ruuru aha ya; werenụ onyinye bata nʼime ogige ya.

date al Signore la gloria del suo nome. Portate offerte ed entrate nei suoi atri,

9 Kpọọnụ isiala nye Onyenwe anyị nʼịma mma nke ịdị nsọ ya; maa jijiji nʼihu ya, unu ụwa niile.

prostratevi al Signore in sacri ornamenti. Tremi davanti a lui tutta la terra.

10 Kwusaa nʼetiti mba niile sị, “Onyenwe anyị na-achị.” Elu ụwa kwụ chịm, a pụghị iwezuga ya nʼọnọdụ ya; ọ ga-eji ikpe ziri ezi kpee ndị niile ikpe.

Dite tra i popoli: «Il Signore regna!». Sorregge il mondo, perché non vacilli; giudica le nazioni con rettitudine.

11 Ka mbara eluigwe ṅụrịa, ka ụwa nwekwa obi ụtọ; ka osimiri bigbọọ, na ihe niile dị nʼime ya.

Gioiscano i cieli, esulti la terra, frema il mare e quanto racchiude;

12 Ka ala ubi niile na ihe niile dị nʼime ha jupụta nʼobi ụtọ. Ka osisi niile nke oke ọhịa bụọ abụ nʼihi ọṅụ.

esultino i campi e quanto contengono, si rallegrino gli alberi della foresta

13 Ka ihe niile e kere eke ṅụrịa ọṅụ nʼihu Onyenwe anyị, nʼihi na ọ na-abịa, ọ na-abịa ikpe ụwa ikpe. Ọ ga-eji ezi omume kpee elu ụwa ikpe, jirikwa ikwesi ntụkwasị obi kpee ndị niile dị iche iche ikpe.

davanti al Signore che viene, perché viene a giudicare la terra. Giudicherà il mondo con giustizia e con verità tutte le genti.