Abụ Ọma 95

1 Bịanụ ka anyị jiri ọṅụ bụkuo Onyenwe anyị abụ; ka anyị tikuo oke nkume nzọpụta anyị mkpu ọṅụ.

O come, let us sing to the LORD: let us make a joyful noise to the rock of our salvation.

2 Ka anyị jiri ekele bịakwute ya jirikwa iti egwu na ịbụ abụ jaa ya mma.

Let us come before his presence with thanksgiving, and make a joyful noise to him with psalms.

3 Nʼihi na Onyenwe anyị bụ Chineke dị ukwuu, eze ukwuu kachasị chi niile elu.

For the LORD is a great God, and a great King above all gods.

4 Ebe niile michasịrị emi nke ụwa dị nʼaka ya, ebe kachasị elu nke ugwu niile bụkwa nke ya.

In his hand are the deep places of the earth: the strength of the hills is his also.

5 Osimiri niile bụ nke ya, nʼihi na ọ bụ ya kere ha, aka ya kpụrụ ala akọrọ niile.

The sea is his, and he made it: and his hands formed the dry land.

6 Bịanụ ka anyị kpọọ isiala nʼofufe, ka anyị gbuo ikpere nʼala nʼihu Onyenwe anyị, onye kere anyị;

O come, let us worship and bow down: let us kneel before the LORD our maker.

7 nʼihi na ọ bụ Chineke anyị anyị bụkwa ndị ọ na-azụ dịka atụrụ, igwe atụrụ ọ na-elekọta anya. Taa, ọ bụrụ na unu anụ olu ya,

For he is our God; and we are the people of his pasture, and the sheep of his hand. To day if ye will hear his voice,

8 “Unu emela ka obi unu sie ike dịka unu mere na Meriba, maọbụ dịka unu mere nʼụbọchị ahụ na Masa nʼime ọzara,

Harden not your heart, as in the provocation, and as in the day of temptation in the wilderness:

9 ebe nna nna unu ha nwara m, nʼagbanyeghị na ha hụrụ ihe niile m mere.

When your fathers tempted me, proved me, and saw my work.

10 Iri afọ anọ ka m were iwe megide ọgbọ ahụ; ekwuru m sị, ‘Ndị a bụ ndị obi ha na-akpafu akpafu site nʼebe m nọ, ha amatabeghị ụzọ m niile.’

Forty years long was I grieved with this generation, and said, It is a people that do err in their heart, and they have not known my ways:

11 Nʼihi nke a, aṅụrụ m iyi nʼiwe, sị, ‘Ha agaghị abanye nʼizuike m ma ọlị.’”

To whom I swore in my wrath that they should not enter into my rest.