Abụ Ọma 95

1 Bịanụ ka anyị jiri ọṅụ bụkuo Onyenwe anyị abụ; ka anyị tikuo oke nkume nzọpụta anyị mkpu ọṅụ.

Come, let us sing for joy to the LORD; let us shout to the Rock of our salvation!

2 Ka anyị jiri ekele bịakwute ya jirikwa iti egwu na ịbụ abụ jaa ya mma.

Let us enter His presence with thanksgiving; let us make a joyful noise to Him in song.

3 Nʼihi na Onyenwe anyị bụ Chineke dị ukwuu, eze ukwuu kachasị chi niile elu.

For the LORD is a great God, a great King above all gods.

4 Ebe niile michasịrị emi nke ụwa dị nʼaka ya, ebe kachasị elu nke ugwu niile bụkwa nke ya.

In His hand are the depths of the earth, and the mountain peaks belong to Him.

5 Osimiri niile bụ nke ya, nʼihi na ọ bụ ya kere ha, aka ya kpụrụ ala akọrọ niile.

The sea is His, for He made it, and His hands formed the dry land.

6 Bịanụ ka anyị kpọọ isiala nʼofufe, ka anyị gbuo ikpere nʼala nʼihu Onyenwe anyị, onye kere anyị;

O come, let us worship and bow down; let us kneel before the LORD our Maker.

7 nʼihi na ọ bụ Chineke anyị anyị bụkwa ndị ọ na-azụ dịka atụrụ, igwe atụrụ ọ na-elekọta anya. Taa, ọ bụrụ na unu anụ olu ya,

For He is our God, and we are the people of His pasture, the sheep under His care. Today, if you hear His voice,

8 “Unu emela ka obi unu sie ike dịka unu mere na Meriba, maọbụ dịka unu mere nʼụbọchị ahụ na Masa nʼime ọzara,

do not harden your hearts as you did at Meribah, in the day at Massah in the wilderness,

9 ebe nna nna unu ha nwara m, nʼagbanyeghị na ha hụrụ ihe niile m mere.

where your fathers tested and tried Me, though they had seen My work.

10 Iri afọ anọ ka m were iwe megide ọgbọ ahụ; ekwuru m sị, ‘Ndị a bụ ndị obi ha na-akpafu akpafu site nʼebe m nọ, ha amatabeghị ụzọ m niile.’

For forty years I was angry with that generation, and I said, “They are a people whose hearts go astray, and they have not known My ways.”

11 Nʼihi nke a, aṅụrụ m iyi nʼiwe, sị, ‘Ha agaghị abanye nʼizuike m ma ọlị.’”

So I swore on oath in My anger, “They shall never enter My rest.”