Abụ Ọma 82

1 Abụ Ọma Asaf. Chineke na-ewere ọnọdụ ịchị isi nʼetiti ọgbakọ dị ukwuu; ọ na-ekpebi ikpe nʼetiti chi niile.

A Psalm of Asaph. God standeth in the congregation of God; He judgeth among the gods.

2 Ruo ole mgbe ka unu ga-anọgide na-ekpe ikpe na-ezighị ezi? Ruo ole mgbe ka unu ga na-egosi ndị ajọ omume ihuọma? (Sela)

How long will ye judge unjustly, And respect the persons of the wicked? (Selah)

3 Kperenụ ndị na-adịghị ike na ndị na-enweghị nna ikpe ziri ezi; hụnụ na ndị ogbenye na ndị a na-emegbu nwetara ihe ruuru ha.

Judge the poor and fatherless: Do justice to the afflicted and destitute.

4 Gbapụtanụ ndị na-adịghị ike na ndị nọ na mkpa; napụta ha site nʼaka ndị ajọ omume.

Rescue the poor and needy: Deliver them out of the hand of the wicked.

5 Ha amaghị ihe ọbụla, ha aghọtaghị ihe ọbụla. Ha na-ejegharị nʼọchịchịrị; ntọala niile nke ụwa na-ama jijiji.

They know not, neither do they understand; They walk to and fro in darkness: All the foundations of the earth are shaken.

6 “Asịrị m, ‘Unu bụ “chi,” unu niile bụ ụmụ ndị ikom nke Onye kachasị ihe niile elu.’

I said, Ye are gods, And all of you sons of the Most High.

7 Ma unu ga-anwụ ọnwụ dịka mmadụ ndị ọzọ; unu ga-ada dịka ndị ọchịchị ọzọ.”

Nevertheless ye shall die like men, And fall like one of the princes.

8 O Chineke, bilie kpee ụwa ikpe, nʼihi na mba niile bụ ihe nketa gị.

Arise, O God, judge the earth; For thou shalt inherit all the nations.