Abụ Ọma 78

1 Abụ maskil nke Asaf. Ndị m, nụrụnụ ihe m na-ezi; geenụ ntị nʼokwu ọnụ m.

משכיל לאסף האזינה עמי תורתי הטו אזנכם לאמרי פי׃

2 Aga m eji ilu malite okwu m, aga m ekwu ọtụtụ ihe omimi, ihe ndị sitere na mgbe ochie;

אפתחה במשל פי אביעה חידות מני קדם׃

3 ihe ndị anyị nụrụla, marakwa, ihe ndị nna nna anyị ha gwara anyị.

אשר שמענו ונדעם ואבותינו ספרו לנו׃

4 Anyị agaghị ezonarị ụmụ anyị ihe ndị a, kama anyị ga-akọrọ ọgbọ nke na-abịa nʼihu akụkọ ịdị ike Onyenwe anyị, na ọrụ ebube ya, na ihe ịtụnanya niile o mere.

לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃

5 O nyere Jekọb iwu banyere ụkpụrụ ya, mekwaa ka iwu ahụ guzosie ike nʼIzrel, bụ nke ọ dọrọ nna nna anyị ha aka na ntị, ka ha kuziere ụmụ ha,

ויקם עדות ביעקב ותורה שם בישראל אשר צוה את אבותינו להודיעם לבניהם׃

6 ka ọgbọ na-eso ha nwee ike mụta ya, ọ bụladị ọgbọ nke a ka amụbeghị, ndị nke ga-agwakwa ha ụmụ ha.

למען ידעו דור אחרון בנים יולדו יקמו ויספרו לבניהם׃

7 Mgbe ahụ, ha ga-atụkwasị Chineke obi ha, ma ghara ichefu ọrụ ya niile dị iche iche. Ha ga-edebekwa iwu ya niile.

וישימו באלהים כסלם ולא ישכחו מעללי אל ומצותיו ינצרו׃

8 Ha agakwaghị adị ka ndị nna nna ha, ọgbọ ndị nnupu isi na ndị isiike; ndị obi ha na-adịghị nʼebe Chineke nọ, ndị mmụọ ha na-ekwesighị ntụkwasị obi nye ya.

ולא יהיו כאבותם דור סורר ומרה דור לא הכין לבו ולא נאמנה את אל רוחו׃

9 Ndị ikom Ifrem, nʼagbanyeghị na ha kwere ụta ha, chigharịrị azụ, gbaa ọsọ nʼụbọchị agha.

בני אפרים נושקי רומי קשת הפכו ביום קרב׃

10 Ha edebeghị ọgbụgba ndụ Chineke. Ha jụkwara ibi ndụ dịka iwu ya si dị.

לא שמרו ברית אלהים ובתורתו מאנו ללכת׃

11 Ha chefuru ihe o mere, ọrụ ịtụnanya o gosiri ha.

וישכחו עלילותיו ונפלאותיו אשר הראם׃

12 Chineke rụrụ ọrụ ebube ndị a nʼihu nna nna ha nʼala Ijipt na nʼọhịa Zoan.

נגד אבותם עשה פלא בארץ מצרים שדה צען׃

13 O kewara oke osimiri, site nʼetiti ya dufee ha. O mere ka mmiri ahụ guzo ọtọ dịka mgbidi.

בקע ים ויעבירם ויצב מים כמו נד׃

14 O ji igwe ojii duo ha nʼije nʼehihie, jirikwa ìhè sitere nʼọkụ ahụ, duo ha ogologo abalị niile.

וינחם בענן יומם וכל הלילה באור אש׃

15 Ọ gbawara oke nkume dị nʼọzara, si otu a nye ha mmiri hiri nne, dịka a ga-asị na ọ bụ mmiri si nʼọtụtụ oke osimiri.

יבקע צרים במדבר וישק כתהמות רבה׃

16 O mere ka mmiri iyi site na nkume gbapụta, mee ka mmiri rudata dịka osimiri.

ויוצא נוזלים מסלע ויורד כנהרות מים׃

17 Ha nọgidere na-emehie megide ya. Ha nupuru isi nʼọzara megide Onye kachasị ihe niile elu.

ויוסיפו עוד לחטא לו למרות עליון בציה׃

18 Ha kpachara anya nwaa Chineke ọnwụnwa, mgbe ha rịọrọ ya nri nke obi ha chọrọ.

וינסו אל בלבבם לשאל אכל לנפשם׃

19 Ha kwuhiere Chineke; jụọ ya ọnụ sị, “Chineke ọ pụrụ inye anyị ezi nri na mmiri ọṅụṅụ nʼọzara a?

וידברו באלהים אמרו היוכל אל לערך שלחן במדבר׃

20 Ọ bụ ezie na o tiri nkume ahụ ihe, mee ka mmiri sọpụta, mmiri iyi sọpụtara nʼebe o hiri nne, ma ọ pụrụ inye anyị nri? Ọ pụrụ inye ndị ya anụ?”

הן הכה צור ויזובו מים ונחלים ישטפו הגם לחם יוכל תת אם יכין שאר לעמו׃

21 Mgbe Onyenwe anyị nụrụ ihe ha kwuru, iwe were ya; ọkụ ya repịara Jekọb, iwe ọkụ ya biliri megide Izrel.

לכן שמע יהוה ויתעבר ואש נשקה ביעקב וגם אף עלה בישראל׃

22 Nʼihi na ha ekwenyeghị na Chineke, maọbụ tụkwasị obi na nzọpụta ya.

כי לא האמינו באלהים ולא בטחו בישועתו׃

23 Nʼagbanyeghị ihe ndị a, o nyere mbara eluigwe iwu meghekwa ọnụ ụzọ niile nke eluigwe.

ויצו שחקים ממעל ודלתי שמים פתח׃

24 O mere ka mánà zokwasị ndị mmadụ a dịka mmiri, ka ha rie. O nyere ha mkpụrụ ọka nke si nʼeluigwe.

וימטר עליהם מן לאכל ודגן שמים נתן למו׃

25 Ndị mmadụ tara achịcha ndị mmụọ ozi. O zitere ha nri niile ha nwere ike iri.

לחם אבירים אכל איש צידה שלח להם לשבע׃

26 O sitere nʼeluigwe tọpụ ikuku nke ọwụwa anyanwụ, o jikwa ike ya duo ikuku nke ndịda.

יסע קדים בשמים וינהג בעזו תימן׃

27 O zidatara ha anụ dị ukwuu dịka ọ bụ uzuzu, anụ ufe ọnụọgụgụ ha dịka ọnụọgụgụ aja dị nʼala ọnụ oke osimiri.

וימטר עליהם כעפר שאר וכחול ימים עוף כנף׃

28 O mere ka ụmụ anụ ufe ndị a daara ha nʼala nʼetiti ọmụma ụlọ ikwu ha nakwa gburugburu ụlọ ikwu ha.

ויפל בקרב מחנהו סביב למשכנתיו׃

29 Ha riri ihe tutu ruo mgbe ha enwekwaghị ike iri ọzọ, nʼihi na o nyere ha ihe obi ha chọrọ.

ויאכלו וישבעו מאד ותאותם יבא להם׃

30 Ha erisibeghị nri ahụ obi ha chọrọ, anụ ụfọdụ dịkwa ha nʼọnụ,

לא זרו מתאותם עוד אכלם בפיהם׃

31 mgbe iwe Chineke biliri imegide ha; o tigburu ndị kachasị ike nʼetiti ha, tigbukwaa ụmụ okorobịa ndị Izrel.

ואף אלהים עלה בהם ויהרג במשמניהם ובחורי ישראל הכריע׃

32 Ma na-eleghị ihe ndị a anya, ha gakwara nʼihu na mmehie ha, jụkwa ikwere nʼọrụ ebube niile Onyenwe anyị rụrụ.

בכל זאת חטאו עוד ולא האמינו בנפלאותיו׃

33 O mere ka ụbọchị ndụ ha bụrụ ihe efu. O mekwara ka afọ ha gwụsịa nʼobi ọlụlọ mmiri.

ויכל בהבל ימיהם ושנותם בבהלה׃

34 Mgbe ọbụla Chineke tigburu ha, ha na-achọ ya; ha na-alaghachi azụ, chọsie ya ike.

אם הרגם ודרשוהו ושבו ושחרו אל׃

35 Ha na-echeta na Chineke bụ Oke nkume ha, na Chineke nke kachasị ihe niile elu bụrụ ha Onye Mgbapụta.

ויזכרו כי אלהים צורם ואל עליון גאלם׃

36 Ma mgbe ahụ, ha ga-eji naanị okwu efu fee ya ofufe, were ire ha na-aghara ya ụgha.

ויפתוהו בפיהם ובלשונם יכזבו לו׃

37 Obi ha ekwesịkwaghị ike nye ya. Ha ekwesighị ntụkwasị obi nye ọgbụgba ndụ ya.

ולבם לא נכון עמו ולא נאמנו בבריתו׃

38 Ma o meere ha ebere. Ọ gbaghara ha mmehie ha. Ọ laghị ha nʼiyi. Ọtụtụ oge ka o jidere iwe ya. Ọ kpalịkwaghị oke iwe ya.

והוא רחום יכפר עון ולא ישחית והרבה להשיב אפו ולא יעיר כל חמתו׃

39 Nʼihi na o chetara na ha bụ naanị anụ ahụ nke o kere eke, chetakwa na ha dịka ikuku nke na-adịghị alọghachi azụ mgbe ọ gabigasịrị.

ויזכר כי בשר המה רוח הולך ולא ישוב׃

40 Ọtụtụ oge ka ha nupuru isi megide ya nʼọzara; ha kpasuru ya iwe nʼala ahụ tọgbọrọ nʼefu.

כמה ימרוהו במדבר יעציבוהו בישימון׃

41 Mgbe mgbe, ha nwara Chineke; ha kpasuru Onye Nsọ nke Izrel iwe.

וישובו וינסו אל וקדוש ישראל התוו׃

42 Ha echetaghị ike ya, ụbọchị ahụ ọ gbapụtara ha site nʼaka ndị na-emegbu ha;

לא זכרו את ידו יום אשר פדם מני צר׃

43 nʼụbọchị o gosipụtara ihe ịrịbama niile nʼala Ijipt, ọrụ ebube ya niile nʼọhịa Zoan.

אשר שם במצרים אתותיו ומופתיו בשדה צען׃

44 O mere ka osimiri ha niile ghọọ ọbara. Ha enwekwaghị ike ịṅụ mmiri si na ha.

ויהפך לדם יאריהם ונזליהם בל ישתיון׃

45 O zigakwara igwe ijiji nʼetiti ha, nke tara ha, zitekwa awọ nʼala ha, nke bibiri ha.

ישלח בהם ערב ויאכלם וצפרדע ותשחיתם׃

46 O zitekwara ụmụ ụkpana ndị tachapụrụ mkpụrụ a kụrụ nʼubi ha, zitekwa igurube nke ripịara ihe niile a gaara eweta dịka ihe ubi.

ויתן לחסיל יבולם ויגיעם לארבה׃

47 O ji oke mkpụrụ mmiri mebie osisi vaịnị ha, jirikwa igirigi jụrụ oke oyi bibie osisi sikamọ ha niile.

יהרג בברד גפנם ושקמותם בחנמל׃

48 O weere ehi ha niile nyefee mkpụrụ mmiri, werekwa anụ ụlọ ha nyefee amụma egbe eluigwe.

ויסגר לברד בעירם ומקניהם לרשפים׃

49 O zipụrụ iwe ọkụ ya nʼetiti ha, oke iwe ya, na iwe ya, na mmeso nke iwe ya, ndị mmụọ ozi na-ebibi ihe na-eleghị anya nʼazụ.

ישלח בם חרון אפו עברה וזעם וצרה משלחת מלאכי רעים׃

50 O doziri ụzọ nke iwe ya ga-eso; o gbochighị ka ha ghara ịnwụ; kama o nyefere ndụ ha nʼaka ọrịa na-efe efe.

יפלס נתיב לאפו לא חשך ממות נפשם וחיתם לדבר הסגיר׃

51 O tigburu nwa ọbụla e bụ ụzọ mụọ nʼala Ijipt, mkpụrụ mbụ nke ndị ikom nʼime ụlọ ikwu Ham.

ויך כל בכור במצרים ראשית אונים באהלי חם׃

52 Ma o dupụtara ndị nke ya dịka igwe atụrụ; o duuru ha dịka atụrụ gafee ọzara.

ויסע כצאן עמו וינהגם כעדר במדבר׃

53 O duuru ha nʼudo, ụjọ atụkwaghị ha, ma osimiri kpuchigidere ndị iro ha.

וינחם לבטח ולא פחדו ואת אויביהם כסה הים׃

54 Otu a ka o si duru ha bịaruo nʼoke ala nsọ ya, ala ugwu ugwu ahụ nke aka nri ya nwetara.

ויביאם אל גבול קדשו הר זה קנתה ימינו׃

55 Ọ chụpụrụ mba niile nʼihu ha, tụọ ala ha kesara ha dịka ihe nketa; o mere ka ebo niile nke Izrel biri nʼụlọ nke aka ha.

ויגרש מפניהם גוים ויפילם בחבל נחלה וישכן באהליהם שבטי ישראל׃

56 Ma ha nwara Chineke ọnwụnwa, nupu isi megide Onye kachasị ihe niile elu; ha edebeghị ụkpụrụ ya.

וינסו וימרו את אלהים עליון ועדותיו לא שמרו׃

57 Dịka nna nna ha, ha bụ ndị na-ekwesighị ntụkwasị obi, na ndị aghụghọ, ha dịka ụta a na-ekweghị nke ọma.

ויסגו ויבגדו כאבותם נהפכו כקשת רמיה׃

58 Nʼihi ebe nchụaja ha wuru, ha mere ka iwe wee ya; sitekwa nʼarụsị ha pịrị apị, ha kpaliri ekworo ya.

ויכעיסוהו בבמותם ובפסיליהם יקניאוהו׃

59 Mgbe Chineke nụrụ ha, iwe were ya nke ukwuu. Ọ jụrụ ndị Izrel kpamkpam.

שמע אלהים ויתעבר וימאס מאד בישראל׃

60 Ọ gbakụtara ụlọ nzute ya nke dị na Shaịlo azụ, ụlọ ikwu ahụ ọ mara nʼetiti ndị mmadụ.

ויטש משכן שלו אהל שכן באדם׃

61 O nyefere igbe ọgbụgba ndụ ike ya ka a dọta ya nʼagha, o nyefekwara onye iro ahụ ebube ya nʼaka.

ויתן לשבי עזו ותפארתו ביד צר׃

62 O kwere ka e gbuo ndị ya nʼagha; iwe ya dị ọkụ megide ihe nketa ya.

ויסגר לחרב עמו ובנחלתו התעבר׃

63 Ọkụ repịara ụmụ okorobịa ha, ọ dịkwaghị onye a gụụrụ egwu ọlụlụ di na nwunye, nʼetiti ụmụ agbọghọ ha;

בחוריו אכלה אש ובתולתיו לא הוללו׃

64 E gburu ndị nchụaja ha nʼagha; ndị inyom ha ndị di ha nwụrụ enwekwaghị ike iru ụjụ.

כהניו בחרב נפלו ואלמנתיו לא תבכינה׃

65 Mgbe ahụ, onyenwe anyị tetara dịka onye si nʼụra teta, dịka dike si nʼụra mmanya teta.

ויקץ כישן אדני כגבור מתרונן מיין׃

66 Ọ chụghachiri ndị iro ya azụ, mee ha ihe ihere nke ga-adịgide ruo ebighị ebi.

ויך צריו אחור חרפת עולם נתן למו׃

67 Ọ jụrụ ụlọ ikwu Josef, ọ họpụtaghị ebo Ifrem;

וימאס באהל יוסף ובשבט אפרים לא בחר׃

68 ma ọ họọrọ ebo Juda, na ugwu Zayọn, nke ọ hụrụ nʼanya.

ויבחר את שבט יהודה את הר ציון אשר אהב׃

69 O wuru ụlọnsọ ya ka ọ dị ka ebe dị elu, dịka ụwa nke o mere ka o guzosie ike ruo mgbe ebighị ebi.

ויבן כמו רמים מקדשו כארץ יסדה לעולם׃

70 Ọ họpụtara Devid, ohu ya, kpọrọ ya site nʼọgba igwe atụrụ;

ויבחר בדוד עבדו ויקחהו ממכלאת צאן׃

71 o si nʼebe ọ nọ na-azụ atụrụ kpọrọ ya, ka ọ bịa bụrụ onye na-azụ ndị ya Jekọb, na Izrel, ihe nketa ya dịka atụrụ.

מאחר עלות הביאו לרעות ביעקב עמו ובישראל נחלתו׃

72 Devid ji izuoke nke obi ya zụọ ha, aka nke maara ihe ọ na-eme ka o ji duo ha.

וירעם כתם לבבו ובתבונות כפיו ינחם׃