Abụ Ọma 67

1 Abụ Ọma dịrị onyeisi abụ. Abụ eji ụbọ akwara akpọ. Abụ Ọma. Otu Abụ. Ka Chineke meere anyị amara ma gọzie anyị, ma mee ka ihu ya chakwasị anyị, (Sela)

Para el director del coro. Un salmo. Un canto. Para acompañamiento con instrumentos de cuerda. Que Dios sea misericordioso con nosotros y nos bendiga. Que hallemos gracia ante sus ojos. (Selah)

2 Ka a mara ụzọ gị niile nʼụwa, marakwa nzọpụta gị nʼetiti mba niile.

Que todos los habitantes de la tierra conozcan tus caminos y tu salvación en medio de todos los pueblos.

3 Ka mmadụ niile too gị, O Chineke; ka mmadụ niile too gị.

Que todos te alaben, Dios. Sí, que todas las naciones te alaben.

4 Ka mba niile ṅụrịa ma bụọ abụ ọṅụ, nʼihi na ị na-eji ikpe ziri ezi na-achị ndị mmadụ, na-edukwa mba niile nke ụwa. (Sela)

Que todos se alegren y canten de gozo porque tú haces juicio justo, y guías a todos los habitantes de la tierra. (Selah)

5 Ka mmadụ niile too gị, O Chineke; ka mmadụ niile too gị.

Que todos te alaben, Dios. Sí, que todas las naciones te alaben.

6 Mgbe ahụ, ala ga-amịpụta ihe owuwe ubi ya, Chineke, onye bụ Chineke anyị, ga-agọzikwa anyị.

La tierra ha producido su cosecha; y Dios, nuestro Dios, nos ha bendecido.

7 Chineke ga-agọzi anyị, nsọtụ niile nke ụwa ga-atụ egwu ya.

Dios nos bendecirá, y todos los habitantes de la tierra lo respetarán.