Abụ Ọma 67

1 Abụ Ọma dịrị onyeisi abụ. Abụ eji ụbọ akwara akpọ. Abụ Ọma. Otu Abụ. Ka Chineke meere anyị amara ma gọzie anyị, ma mee ka ihu ya chakwasị anyị, (Sela)

For the leader. On stringed instruments. A psalm. A song. Bless us, O God, with your favor, let the light of your face fall upon us; (Selah)

2 Ka a mara ụzọ gị niile nʼụwa, marakwa nzọpụta gị nʼetiti mba niile.

that the world may know your way, and all nations your power to save.

3 Ka mmadụ niile too gị, O Chineke; ka mmadụ niile too gị.

Let the peoples praise you, O God; let the peoples all of them praise you.

4 Ka mba niile ṅụrịa ma bụọ abụ ọṅụ, nʼihi na ị na-eji ikpe ziri ezi na-achị ndị mmadụ, na-edukwa mba niile nke ụwa. (Sela)

Let the nations ring out their joy; for you govern the peoples with equity, and guide the nations on earth. (Selah)

5 Ka mmadụ niile too gị, O Chineke; ka mmadụ niile too gị.

Let the peoples praise you, O God, let the peoples, all of them, praise you.

6 Mgbe ahụ, ala ga-amịpụta ihe owuwe ubi ya, Chineke, onye bụ Chineke anyị, ga-agọzikwa anyị.

The earth has yielded her increase by the blessing of God, our God.

7 Chineke ga-agọzi anyị, nsọtụ niile nke ụwa ga-atụ egwu ya.

May this blessing of ours win people to him to all the ends of the earth.