Abụ Ọma 67

1 Abụ Ọma dịrị onyeisi abụ. Abụ eji ụbọ akwara akpọ. Abụ Ọma. Otu Abụ. Ka Chineke meere anyị amara ma gọzie anyị, ma mee ka ihu ya chakwasị anyị, (Sela)

God be merciful to us, and bless us; and cause his face to shine on us; (Selah)

2 Ka a mara ụzọ gị niile nʼụwa, marakwa nzọpụta gị nʼetiti mba niile.

That your way may be known on earth, your saving health among all nations.

3 Ka mmadụ niile too gị, O Chineke; ka mmadụ niile too gị.

Let the people praise you, O God; let all the people praise you.

4 Ka mba niile ṅụrịa ma bụọ abụ ọṅụ, nʼihi na ị na-eji ikpe ziri ezi na-achị ndị mmadụ, na-edukwa mba niile nke ụwa. (Sela)

O let the nations be glad and sing for joy: for you shall judge the people righteously, and govern the nations on earth. (Selah)

5 Ka mmadụ niile too gị, O Chineke; ka mmadụ niile too gị.

Let the people praise you, O God; let all the people praise you.

6 Mgbe ahụ, ala ga-amịpụta ihe owuwe ubi ya, Chineke, onye bụ Chineke anyị, ga-agọzikwa anyị.

Then shall the earth yield her increase; and God, even our own God, shall bless us.

7 Chineke ga-agọzi anyị, nsọtụ niile nke ụwa ga-atụ egwu ya.

God shall bless us; and all the ends of the earth shall fear him.