Abụ Ọma 67

1 Abụ Ọma dịrị onyeisi abụ. Abụ eji ụbọ akwara akpọ. Abụ Ọma. Otu Abụ. Ka Chineke meere anyị amara ma gọzie anyị, ma mee ka ihu ya chakwasị anyị, (Sela)

For the choirmaster. With stringed instruments. A Psalm. A song. May God be gracious to us and bless us, and cause His face to shine upon us,

2 Ka a mara ụzọ gị niile nʼụwa, marakwa nzọpụta gị nʼetiti mba niile.

that Your ways may be known on earth, Your salvation among all nations.

3 Ka mmadụ niile too gị, O Chineke; ka mmadụ niile too gị.

Let the peoples praise You, O God; let all the peoples praise You.

4 Ka mba niile ṅụrịa ma bụọ abụ ọṅụ, nʼihi na ị na-eji ikpe ziri ezi na-achị ndị mmadụ, na-edukwa mba niile nke ụwa. (Sela)

Let the nations be glad and sing for joy, for You judge the peoples justly and lead the nations of the earth.

5 Ka mmadụ niile too gị, O Chineke; ka mmadụ niile too gị.

Let the peoples praise You, O God; let all the peoples praise You.

6 Mgbe ahụ, ala ga-amịpụta ihe owuwe ubi ya, Chineke, onye bụ Chineke anyị, ga-agọzikwa anyị.

The earth has yielded its harvest; God, our God, blesses us.

7 Chineke ga-agọzi anyị, nsọtụ niile nke ụwa ga-atụ egwu ya.

God blesses us, that all the ends of the earth shall fear Him.