Abụ Ọma 63

1 Abụ Ọma Devid, mgbe ọ nọ nʼọzara Juda. O Chineke, ị bụ Chineke m, e ji m obi m niile na-achọ gị; akpịrị na-akpọ mkpụrụobi m nkụ, anụ ahụ m na-achọsi gị ike, nʼala kpọrọ nkụ na nke ịda mba ebe mmiri na-adịghị nʼime ya.

Un salmo de David, cuando estaba en el desierto de Judá. Dios, tú eres mi Dios. Te buscaré con ahínco. Mi alma tiene sed de ti. Mi carne te anhela, en una tierra seca y cansada, donde no hay agua.

2 Ahụla m gị nʼụlọnsọ gị, hụkwa ike gị na ebube gị.

Así te he visto en el santuario, viendo tu poder y tu gloria.

3 Nʼihi na ịhụnanya gị dị mma karịa ndụ, aga m eji egbugbere ọnụ m jaa gị mma.

Porque tu bondad amorosa es mejor que la vida, mis labios te alabarán.

4 Ogologo ụbọchị m niile ka m ga-eto gị, aga m eweli aka m abụọ elu kpọkuo aha gị.

Así te bendeciré mientras viva. Levantaré mis manos en tu nombre.

5 Mkpụrụobi m ga-enwe afọ ojuju dịka onye ji ezi nri rijuo afọ; aga m eji egbugbere ọnụ jupụtara nʼabụ too gị.

Mi alma se saciará como del más rico alimento. Mi boca te alabará con labios alegres,

6 Nʼelu ihe ndina m, ana m echeta gị, ana m atụgharị uche nʼihe banyere gị, ogologo abalị niile.

cuando te recuerdo en mi cama, y pensar en ti en las guardias nocturnas.

7 Nʼihi na ị bụ onye inyeaka m, ana m abụ abụ nʼokpuru ndo nke nku gị.

Porque tú has sido mi ayuda. Me alegraré a la sombra de tus alas.

8 Mkpụrụobi m na-arapara gị nʼahụ; aka nri gị na-ejigide m.

Mi alma permanece cerca de ti. Tu mano derecha me sostiene.

9 A ga-ala ndị na-achọ ndụ m nʼiyi; ha ga-arịda ruo ebe omimi nke ụwa.

Pero los que buscan mi alma para destruirla irán a las partes bajas de la tierra.

10 A ga-eji mma agha laa ha nʼiyi, ha ga-abụkwa nri nye nkịta ọhịa.

Serán entregados al poder de la espada. Serán comida para chacales.

11 Ma eze ga-aṅụrị ọṅụ nʼime Chineke; ndị niile na-eji aha Chineke aṅụ iyi ga-eto ya, ma a ga-eme ka ọnụ ndị niile na-agha ụgha dere duu.

Pero el rey se alegrará en Dios. Todos los que juran por él lo alabarán, porque la boca de los que hablan mentiras será silenciada.