Abụ Ọma 47

1 Abụ Ọma nke dịrị onyeisi abụ. Abụ ụmụ Kora. Abụ Ọma. Kụọnụ aka unu, unu mba niile; jiri iti mkpu ọṅụ tikuo Chineke.

For the leader. Of the Korahites. A psalm. Clap your hands, all you peoples: shout to God in ringing cries.

2 Nʼihi na Onyenwe anyị bụ Chineke kachasị ihe niile elu. Ọ dị egwu! Ọ bụ eze ukwu na-achị ụwa niile.

For the Lord is most high and dread, a great king over all the earth.

3 O wedara mba niile mee ka ha nọọ nʼokpuru anyị; ndị mmadụ niile nọ nʼokpuru ụkwụ anyị.

He subdues the peoples under us, the nations under our feet;

4 Ọ họpụtaara anyị ihe nketa anyị, ihe ịnya isi nke Jekọb, onye ọ hụrụ nʼanya. (Sela)

he chooses our heritage for us, the glory of Jacob whom he loves. (Selah)

5 Chineke ewerela iti mkpu ọṅụ rigoro nʼeluigwe. Onyenwe anyị ewerela olu opi ike rigoo.

God is gone up with a shout, the Lord with the sound of a trumpet.

6 Bụkuonụ Chineke abụ otuto, bụọ abụ otuto; bụkuonụ eze anyị abụ otuto, bụọ abụ otuto.

Sing praise to our God, sing praises: sing praise to our king, sing praises.

7 Nʼihi na Chineke anyị bụ eze ụwa niile. Jirinụ abụ too ya.

For king of all earth is he: praise God in a skilful song.

8 Chineke bụ eze mba niile; ọ na-anọkwasị nʼocheeze ya dị nsọ na-achị mba niile.

God is king over all the nations, God sits on his holy throne.

9 Ndị niile a ma ama na mba niile ezukọtaala, dịka ndị Chineke nke Ebraham, nʼihi na ndị eze niile dị nʼụwa bụ nke Chineke; ọ bụ onye e buliri elu nʼebe ọ dị ukwuu.

Princes of nations gather with the people of Abraham’s God: for the shields of the earth are God’s; greatly exalted is he.