Abụ Ọma 41

1 Abụ Ọma nke dịrị onyeisi abụ. Abụ Ọma Devid. Ndị a gọziri agọzi ka ha bụ ndị nwere uche na-eleta ndị ogbenye; Onyenwe anyị na-azọpụta ha nʼoge nsogbu.

למנצח מזמור לדוד ב אשרי משכיל אל-דל ביום רעה ימלטהו יהוה

2 Onyenwe anyị ga-echebe ha, debekwa ha ndụ; ọ ga-eme ka ihe na-agara ha nke ọma nʼala ahụ, ọ gaghị arara ha nye nʼọchịchọ ndị iro ha.

יהוה ישמרהו ויחיהו--יאשר (ואשר) בארץ ואל-תתנהו בנפש איביו

3 Onyenwe anyị na-elekọta ha mgbe ahụ na-esighị ha ike, meekwa ka ahụ dị ha mma.

יהוה--יסעדנו על-ערש דוי כל-משכבו הפכת בחליו

4 Ekwuru m sị, “O Onyenwe anyị, meere m ebere; gwọọ m, nʼihi na emehiela m megide gị.”

אני-אמרתי יהוה חנני רפאה נפשי כי-חטאתי לך

5 Ndị iro m na-esite nʼiro ha ekwu okwu megide m na-asị, “Olee mgbe ọ ga-anwụ ka aha ya laa nʼiyi?”

אויבי--יאמרו רע לי מתי ימות ואבד שמו

6 Mgbe otu nʼime ha bịara ịhụ m, ọ na-ekwu okwu ụgha, ma obi ya na-achịkọta ihe nkwulu; mgbe ahụ ọ na-apụ, ga kọsaa ya.

ואם-בא לראות שוא ידבר--לבו יקבץ-און לו יצא לחוץ ידבר

7 Ndị niile kpọrọ m asị na-agbarịta izu megide m; ha na-echekwa echiche ọjọọ banyere m, na-asịrịta onwe ha:

יחד--עלי יתלחשו כל-שנאי עלי--יחשבו רעה לי

8 “Ọrịa ọjọọ adakwasịla ya; ọ gaghị esite na ihe ndina ya bilie ọtọ ọzọ.”

דבר-בליעל יצוק בו ואשר שכב לא-יוסיף לקום

9 Ọ bụladị ezigbo enyi m, onye m tụkwasịrị obi, onye mụ na ya na-eso erikọ nri m, ebiliela imegide m.

גם-איש שלומי אשר-בטחתי בו-- אוכל לחמי הגדיל עלי עקב

10 Ma gị, O Onyenwe anyị, meere m ebere, mee ka ahụ sie m ike ọzọ, ka m nwee ike kwụghachi ha ụgwọ.

ואתה יהוה חנני והקימני ואשלמה להם

11 Amaara m na ihe banyere m na-atọ gị ụtọ nʼobi, nʼihi na i kwebeghị ka ndị iro m nwee mmeri nʼebe m nọ.

בזאת ידעתי כי-חפצת בי כי לא-יריע איבי עלי

12 Nʼihi ikwesi ntụkwasị obi m, ị na-akwagide m, mee ka m nọrọ nʼihu gị ruo mgbe ebighị ebi.

ואני--בתמי תמכת בי ותציבני לפניך לעולם

13 Otuto dịrị Onyenwe anyị, Chineke nke Izrel, site nʼebighị ebi ruo ebighị ebi.

ברוך יהוה אלהי ישראל--מהעולם ועד העולם אמן ואמן