Abụ Ọma 34
1 Abụ Ọma Devid. Mgbe ọ gbanwere omume ya mee ka onye na-ayị ara nʼihu Abimelek, onye nke chụpụrụ ya, ya a pụọ. Aga m eto Onyenwe anyị mgbe niile. Mgbe niile ka otuto ya ga-adị nʼọnụ m.
| לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃ |
2 Mkpụrụobi m ga-anya isi na Onyenwe anyị; ka ndị niile a na-akpagbu gee ntị ṅụrịa ọṅụ.
| ביהוה תתהלל נפשי ישמעו ענוים וישמחו׃ |
3 Soro m too Onyenwe anyị; ka anyị bulie aha ya elu.
| גדלו ליהוה אתי ונרוממה שמו יחדו׃ |
4 Nʼihi na etikuru m Onyenwe anyị mkpu akwa, ọ zakwara m, napụta m site nʼaka ịtụ ụjọ m niile.
| דרשתי את יהוה וענני ומכל מגורותי הצילני׃ |
5 Ihu ndị na-elekwasị ya anya na-enwu dịka ihe; ihere adịghị eme ha.
| הביטו אליו ונהרו ופניהם אל יחפרו׃ |
6 Onye ogbenye a kpọkuru Onyenwe anyị, ọ zakwara ya; ọ zọpụtara ya site na nsogbu ya niile.
| זה עני קרא ויהוה שמע ומכל צרותיו הושיעו׃ |
7 Mmụọ ozi Onyenwe anyị na-agba ndị niile na-atụ egwu ya gburugburu na-anapụtakwa ha.
| חנה מלאך יהוה סביב ליראיו ויחלצם׃ |
8 Jiri aka gị tulee ma hụkwa na Onyenwe anyị dị mma; onye a gọziri agọzi ka onye ahụ bụ, onye nke na-agbaba nʼime ya.
| טעמו וראו כי טוב יהוה אשרי הגבר יחסה בו׃ |
9 Tụọnụ egwu Onyenwe anyị, unu ndị nsọ ya, nʼihi na ọ dịghị ihe na-akọ ndị niile na-atụ egwu ya.
| יראו את יהוה קדשיו כי אין מחסור ליראיו׃ |
10 Agụụ nwere ike ịgụ ụmụ ọdụm, ike pụkwara ịgwụ ha, ma ihe ọbụla bụ ihe ọma agaghị akọ ndị niile na-achọ Onyenwe anyị.
| כפירים רשו ורעבו ודרשי יהוה לא יחסרו כל טוב׃ |
11 Ụmụ m, bịanụ gee m ntị; aga m ezi unu ihe ịtụ egwu Onyenwe anyị bụ.
| לכו בנים שמעו לי יראת יהוה אלמדכם׃ |
12 Onye ọbụla nʼime unu hụrụ ndụ nʼanya, ma nwee ọchịchọ ihu ọtụtụ ụbọchị ndị dị mma,
| מי האיש החפץ חיים אהב ימים לראות טוב׃ |
13 chezie ire gị ka ọ ghara ikwu ihe ọjọọ, chezikwaa egbugbere ọnụ gị ka ọ gharakwa ịgha ụgha.
| נצר לשונך מרע ושפתיך מדבר מרמה׃ |
14 Site nʼihe ọjọọ wezuga onwe gị ma mee ezi ihe, chọọ udo ma gbasookwa ya.
| סור מרע ועשה טוב בקש שלום ורדפהו׃ |
15 Anya Onyenwe anyị dị nʼahụ ndị ezi omume, ntị ya gheekwa oghe nye mkpu akwa ha;
| עיני יהוה אל צדיקים ואזניו אל שועתם׃ |
16 ma ihu Onyenwe anyị na-emegide ndị na-eme ihe ọjọọ, ime ka a hapụ ichetakwa ihe banyere ha nʼụwa.
| פני יהוה בעשי רע להכרית מארץ זכרם׃ |
17 Onyenwe anyị na-anụ olu ndị ezi omume, mgbe ha na-akpọku ya ka o nyere ha aka; ọ na-azọpụtakwa ha site na nsogbu ha niile.
| צעקו ויהוה שמע ומכל צרותם הצילם׃ |
18 Onyenwe anyị na-anọ ndị niile obi ha tiwara etiwa nso, ọ na-anapụta ndị niile olileanya ha gwụrụ.
| קרוב יהוה לנשברי לב ואת דכאי רוח יושיע׃ |
19 Nsogbu na-adakwasị ndị ezi omume na-adị ukwuu, ma Onyenwe anyị na-anapụta ha site na nsogbu ndị ahụ niile.
| רבות רעות צדיק ומכלם יצילנו יהוה׃ |
20 Ọ na-anapụtakwa ha kpamkpam. Ọ gaghị ekwe ka ọ bụladị otu ọkpụkpụ dị ha nʼahụ gbajie.
| שמר כל עצמותיו אחת מהנה לא נשברה׃ |
21 Ihe ọjọọ ga-eme ka onye ajọ omume nwụọ; ndị na-akpọ onye ezi omume asị ka a ga-ama ikpe ọnwụ.
| תמותת רשע רעה ושנאי צדיק יאשמו׃ |
22 Onyenwe anyị na-agbapụta ndị ohu ya; ọ dịghị onye ọbụla nke na-agbaba nʼime ya a ga-ama ikpe ọnwụ.
| פודה יהוה נפש עבדיו ולא יאשמו כל החסים בו׃ |
