Abụ Ọma 29

1 Abụ Ọma Devid. Toonu Onyenwe anyị, unu ndị bi nʼeluigwe, nyenụ Onyenwe anyị nsọpụrụ nʼihi ebube na ike ya.

Give unto Yhwh, O ye mighty, give unto Yhwh glory and strength.

2 Nyenụ Onyenwe anyị nsọpụrụ kwesiri aha ya; kpọọ isiala nye Onyenwe anyị nʼebube nke ịdị nsọ ya.

Give unto Yhwh the glory due unto his name; worship Yhwh in the beauty of holiness.

3 Olu Onyenwe anyị na-ada nʼelu osimiri; olu Chineke dị ebube na-ada ike ike, olu Onyenwe anyị na-ada dịka egbe eluigwe nʼelu oke osimiri.

The voice of Yhwh is upon the waters: the God of glory thundereth: Yhwh is upon many waters.

4 Olu Onyenwe anyị dị ike, olu Onyenwe anyị jupụtakwara nʼebube.

The voice of Yhwh is powerful; the voice of Yhwh is full of majesty.

5 Olu Onyenwe anyị na-etiwa osisi ukwu sida; Onyenwe anyị na-etiwasị osisi ukwu sida nke Lebanọn.

The voice of Yhwh breaketh the cedars; yea, Yhwh breaketh the cedars of Lebanon.

6 Ọ na-eme ka Lebanọn wulie elu dịka nwa ehi, ọ na-eme ka Siriọn wulie elu dịka nwa atụ.

He maketh them also to skip like a calf; Lebanon and Sirion like a young unicorn.

7 Olu Onyenwe anyị na-agba dịka egbe eluigwe mgbe amụma na-egbu.

The voice of Yhwh divideth the flames of fire.

8 Olu Onyenwe anyị na-eme ka ọzara maa jijiji; Onyenwe anyị na-eme ka ọzara Kadesh maa jijiji.

The voice of Yhwh shaketh the wilderness; Yhwh shaketh the wilderness of Kadesh.

9 Olu Onyenwe anyị na-eme ka osisi ook gbagọọ na-agbuchapụkwa akwụkwọ niile nke oke ọhịa. Nʼime ụlọnsọ ukwuu ya mmadụ niile na-eti, “Ebube!”

The voice of Yhwh maketh the hinds to calve, and discovereth the forests: and in his temple doth every one speak of his glory.

10 Onyenwe anyị nọ nʼocheeze ya nʼelu uju mmiri; Onyenwe anyị na-achị dịka eze ruo mgbe ebighị ebi.

Yhwh sitteth upon the flood; yea, Yhwh sitteth King for ever.

11 Onyenwe anyị na-enye ndị ya ike, ọ ga-ejikwa udo gọzie ndị ya.

Yhwh will give strength unto his people; Yhwh will bless his people with peace.