Abụ Ọma 29

1 Abụ Ọma Devid. Toonu Onyenwe anyị, unu ndị bi nʼeluigwe, nyenụ Onyenwe anyị nsọpụrụ nʼihi ebube na ike ya.

A Psalm of David. Ascribe to the LORD, O heavenly beings, ascribe to the LORD glory and strength.

2 Nyenụ Onyenwe anyị nsọpụrụ kwesiri aha ya; kpọọ isiala nye Onyenwe anyị nʼebube nke ịdị nsọ ya.

Ascribe to the LORD the glory due His name; worship the LORD in the splendor of His holiness.

3 Olu Onyenwe anyị na-ada nʼelu osimiri; olu Chineke dị ebube na-ada ike ike, olu Onyenwe anyị na-ada dịka egbe eluigwe nʼelu oke osimiri.

The voice of the LORD is over the waters; the God of glory thunders; the LORD is heard over many waters.

4 Olu Onyenwe anyị dị ike, olu Onyenwe anyị jupụtakwara nʼebube.

The voice of the LORD is powerful; the voice of the LORD is majestic.

5 Olu Onyenwe anyị na-etiwa osisi ukwu sida; Onyenwe anyị na-etiwasị osisi ukwu sida nke Lebanọn.

The voice of the LORD breaks the cedars; the LORD shatters the cedars of Lebanon.

6 Ọ na-eme ka Lebanọn wulie elu dịka nwa ehi, ọ na-eme ka Siriọn wulie elu dịka nwa atụ.

He makes Lebanon skip like a calf, and Sirion like a young wild ox.

7 Olu Onyenwe anyị na-agba dịka egbe eluigwe mgbe amụma na-egbu.

The voice of the LORD strikes with flames of fire.

8 Olu Onyenwe anyị na-eme ka ọzara maa jijiji; Onyenwe anyị na-eme ka ọzara Kadesh maa jijiji.

The voice of the LORD shakes the wilderness; the LORD shakes the Wilderness of Kadesh.

9 Olu Onyenwe anyị na-eme ka osisi ook gbagọọ na-agbuchapụkwa akwụkwọ niile nke oke ọhịa. Nʼime ụlọnsọ ukwuu ya mmadụ niile na-eti, “Ebube!”

The voice of the LORD twists the oaks and strips the forests bare. And in His temple all cry, “Glory!”

10 Onyenwe anyị nọ nʼocheeze ya nʼelu uju mmiri; Onyenwe anyị na-achị dịka eze ruo mgbe ebighị ebi.

The LORD sits enthroned over the flood; the LORD is enthroned as King forever.

11 Onyenwe anyị na-enye ndị ya ike, ọ ga-ejikwa udo gọzie ndị ya.

The LORD gives His people strength; the LORD blesses His people with peace.