Abụ Ọma 24

1 Abụ Ọma Devid. Ụwa na ihe niile dị nʼime ya bụ nke Onyenwe anyị; ụwa na ndị niile bi nʼime ya.

[A Psalm by David.] The earth is Jehovah's, and its fullness; the world, and those who dwell in it.

2 Ọ tọrọ ntọala ya nʼime oke osimiri niile, o mekwara ka o guzosie ike.

For he has founded it on the seas, and established it on the floods.

3 Onye bụ onye ahụ nwere ike irigo nʼelu ugwu Onyenwe anyị? Onye nwere ike ịbata guzo nʼime ụlọnsọ ya?

Who may ascend to Jehovah's hill? Who may stand in his holy place?

4 Ọ bụ onye aka ya emeghị ihe ọjọọ, obi ya dịkwa ọcha, onye na-adịghị atụkwasị obi na chi arụsị, maọbụ ṅụọ iyi aghụghọ.

He who has clean hands and a pure heart; who has not lifted up his soul to falsehood, and has not sworn deceitfully.

5 Ha ga-anata ngọzị site nʼaka Onyenwe anyị, natakwa mkpepụta site nʼaka Chineke Onye nzọpụta ha.

He shall receive a blessing from Jehovah, righteousness from the God of his salvation.

6 Otu a ka ọ ga-adịrị ọgbọ ndị ya, bụ ndị na-achọ ihu gị, Chineke nke Jekọb. (Sela)

This is the generation of those who seek Him, who seek the face of the God of Jacob. (Selah)

7 Welitenụ isi unu, unu ọnụ ụzọ ama, meenụ ka isi unu bụrụ ihe e welitere, unu ọnụ ụzọ ama ochie, ka eze ebube nwee ike ịbata.

Lift up your heads, you gates. Be lifted up, you everlasting doors, and the King of glory will come in.

8 Onye bụ eze ebube a? Ọ bụ Onyenwe anyị, onye bụ dimkpa na dike. Ọ bụ Onyenwe anyị, onye bụ dike nʼagha.

Who is the King of glory? Jehovah strong and mighty, Jehovah mighty in battle.

9 Welitenụ isi unu, unu ọnụ ụzọ ama, buliekwanụ ha elu, unu ọnụ ụzọ ama ochie, ka Eze ebube nwee ike ịbatakwa.

Lift up your heads, you gates; lift them up, you everlasting doors, and the King of glory will come in.

10 Onye bụ eze ebube a? Ọ bụ Onyenwe anyị, Onye pụrụ ime ihe niile, ọ bụ ya bụ Eze ebube! (Sela)

Who is this King of glory? Jehovah of hosts is the King of glory. (Selah)