Abụ Ọma 24

1 Abụ Ọma Devid. Ụwa na ihe niile dị nʼime ya bụ nke Onyenwe anyị; ụwa na ndị niile bi nʼime ya.

A psalm of David. The earth is the Lord's, and everything that is in it belongs to him. The world is his, and everyone who lives there.

2 Ọ tọrọ ntọala ya nʼime oke osimiri niile, o mekwara ka o guzosie ike.

For he is the one who laid its foundations on the seas, setting it in place on the waters.

3 Onye bụ onye ahụ nwere ike irigo nʼelu ugwu Onyenwe anyị? Onye nwere ike ịbata guzo nʼime ụlọnsọ ya?

Who is allowed to go up the Lord's mountain? Who is permitted to stand in his holy place?

4 Ọ bụ onye aka ya emeghị ihe ọjọọ, obi ya dịkwa ọcha, onye na-adịghị atụkwasị obi na chi arụsị, maọbụ ṅụọ iyi aghụghọ.

Those who have clean hands and pure minds, who don't worship idols, and who don't lie under oath.

5 Ha ga-anata ngọzị site nʼaka Onyenwe anyị, natakwa mkpepụta site nʼaka Chineke Onye nzọpụta ha.

They will take with them the blessing of the Lord, vindicated by the God who saves them.

6 Otu a ka ọ ga-adịrị ọgbọ ndị ya, bụ ndị na-achọ ihu gị, Chineke nke Jekọb. (Sela)

These are the kind of people who may go to the Lord and worship before you, God of Jacob. (Selah)

7 Welitenụ isi unu, unu ọnụ ụzọ ama, meenụ ka isi unu bụrụ ihe e welitere, unu ọnụ ụzọ ama ochie, ka eze ebube nwee ike ịbata.

Open up, you gates! Swing wide, you ancient doors! Let the King of glory come in!

8 Onye bụ eze ebube a? Ọ bụ Onyenwe anyị, onye bụ dimkpa na dike. Ọ bụ Onyenwe anyị, onye bụ dike nʼagha.

Who is this King of glory? The Lord, strong and powerful, mighty in battle.

9 Welitenụ isi unu, unu ọnụ ụzọ ama, buliekwanụ ha elu, unu ọnụ ụzọ ama ochie, ka Eze ebube nwee ike ịbatakwa.

Open up, you gates! Swing wide, you ancient doors! Let the King of glory come in!

10 Onye bụ eze ebube a? Ọ bụ Onyenwe anyị, Onye pụrụ ime ihe niile, ọ bụ ya bụ Eze ebube! (Sela)

Who is this King of glory? The Lord Almighty, he is the King of glory! (Selah)