Abụ Ọma 146

1 Toonu Onyenwe anyị. O mkpụrụobi m, too Onyenwe anyị.

Praise the LORD! Praise the LORD, my soul.

2 Aga m eto Onyenwe anyị ogologo ndụ m niile; aga m abụ abụ otuto nye Chineke m mgbe m nọ na-adị ndụ.

While I live, I will praise the LORD. I will sing praises to my God as long as I exist.

3 Atụkwasịla ụmụ eze obi gị, ndị bụ mmadụ efu na-apụghị ịzọpụta.

Don’t put your trust in princes, in a son of man in whom there is no help.

4 Mgbe mmụọ ha pụrụ, ha na-alaghachi nʼaja; nʼụbọchị ahụ, atụmatụ ha na-aghọ ihe efu.

His spirit departs, and he returns to the earth. In that very day, his thoughts perish.

5 Onye a gọziri agọzi ka onye ahụ bụ, onye inyeaka ya bụ Chineke nke Jekọb, onye olileanya ya dị na Onyenwe anyị, Chineke ya.

Happy is he who has the God of Jacob for his help, whose hope is in the LORD, his God,

6 Onye kere eluigwe na ụwa, na osimiri, na ihe niile dị nʼime ha, Onyenwe anyị, onye ikwesi ntụkwasị obi ya na-adịgide ruo mgbe ebighị ebi.

who made heaven and earth, the sea, and all that is in them; who keeps truth forever;

7 Ọ na-ekpe ikpe ziri ezi nye ndị a na-akpagbu na-enyekwa ndị agụụ na-agụ nri. Onyenwe anyị na-eme ka ndị nọ nʼụlọ mkpọrọ nwere onwe ha,

who executes justice for the oppressed; who gives food to the hungry. The LORD frees the prisoners.

8 Onyenwe anyị na-emeghe anya ndị kpuru ìsì, Onyenwe anyị na-akwagide ndị niile dara mba, Onyenwe anyị hụrụ ndị ezi omume niile nʼanya.

The LORD opens the eyes of the blind. The LORD raises up those who are bowed down. The LORD loves the righteous.

9 Onyenwe anyị na-echebe ndị ọbịa, na-elekọtakwa ndị na-enweghị nna na ndị di ha nwụrụ anwụ, ma ọ na-eme ka ihe ghara ịgara ndị ajọ omume nke ọma.

The LORD preserves the foreigners. He upholds the fatherless and widow, but he turns the way of the wicked upside down.

10 Onyenwe anyị na-achị ruo ebighị ebi, Chineke gị, o Zayọn, site nʼọgbọ ruo nʼọgbọ. Toonu Onyenwe anyị.

The LORD will reign forever; your God, O Zion, to all generations. Praise the LORD!