Abụ Ọma 135
1 Toonu Onyenwe anyị. Toonu aha Onyenwe anyị, toonu ya, unu ndị ohu Onyenwe anyị niile,
| הללו יה הללו את שם יהוה הללו עבדי יהוה׃ |
2 unu ndị na-eje ozi nʼime ụlọ Onyenwe anyị, nʼime ogige ụlọ Chineke anyị.
| שעמדים בבית יהוה בחצרות בית אלהינו׃ |
3 Toonu Onyenwe anyị, nʼihi na Onyenwe anyị dị mma; bụkuo aha ya abụ otuto, nʼihi na ọ bụ ihe ziri ezi.
| הללו יה כי טוב יהוה זמרו לשמו כי נעים׃ |
4 Nʼihi na Onyenwe anyị ahọpụtala Jekọb nye onwe ya, ọ họpụtala Izrel ka ọ bụrụ ihe oke ọnụahịa nke aka ya.
| כי יעקב בחר לו יה ישראל לסגלתו׃ |
5 Amaara m na Onyenwe anyị dị ukwuu, na Onyenwe anyị dị ukwuu karịa chi niile.
| כי אני ידעתי כי גדול יהוה ואדנינו מכל אלהים׃ |
6 Onyenwe anyị na-eme ihe ọbụla masịrị ya nʼeluigwe na elu ụwa na nʼoke osimiri na nʼime ogbu mmiri niile.
| כל אשר חפץ יהוה עשה בשמים ובארץ בימים וכל תהומות׃ |
7 Ọ bụ ya na-eme ka igwe ojii na-apụta site nʼakụkụ niile nke ụwa. Ọ bụkwa ya na-ezite amụma nke na-eweta mmiri ozuzo. Ọ na-ewepụtakwa ifufe site nʼụlọ ifufe ya niile.
| מעלה נשאים מקצה הארץ ברקים למטר עשה מוצא רוח מאוצרותיו׃ |
8 O tigburu ụmụ niile e buru ụzọ mụọ nʼala Ijipt, ụmụ mmadụ buru ụzọ mụọ na ụmụ anụ ụlọ e buru ụzọ mụọ.
| שהכה בכורי מצרים מאדם עד בהמה׃ |
9 O zipụrụ ihe ịrịbama ya dị iche iche na ọrụ ebube ya niile nʼetiti unu, o Ijipt, megide Fero na ndị niile na-ejere ya ozi.
| שלח אתות ומפתים בתוככי מצרים בפרעה ובכל עבדיו׃ |
10 O tigburu ọtụtụ mba dị ukwuu nʼọnụọgụgụ, tigbukwaa ndị eze ha, ndị dị ike nʼagha.
| שהכה גוים רבים והרג מלכים עצומים׃ |
11 Ụfọdụ nʼime ha bụ Saịhọn, eze ndị Amọrait, na Ọg eze Bashan, na ndị eze niile dị na Kenan.
| לסיחון מלך האמרי ולעוג מלך הבשן ולכל ממלכות כנען׃ |
12 O weere ala ndị obodo ahụ niile nye ndị ya, nye ya ụmụ Izrel dịka ihe nketa ha.
| ונתן ארצם נחלה נחלה לישראל עמו׃ |
13 O Onyenwe anyị, aha gị na-adịgide ruo mgbe ebighị ebi a maara aha gị ruo ọgbọ niile.
| יהוה שמך לעולם יהוה זכרך לדר ודר׃ |
14 Nʼihi na Onyenwe anyị ga-ekpepụta ndị ya. Ọ ga-enwekwa ọmịiko nʼahụ ndị ohu ya.
| כי ידין יהוה עמו ועל עבדיו יתנחם׃ |
15 Chi ndị mba ọzọ bụ arụsị e jiri aka kpụọ, nke e ji ọlaọcha na ọlaedo kpụọ.
| עצבי הגוים כסף וזהב מעשה ידי אדם׃ |
16 Ha nwere ọnụ ma ha adịghị ekwu okwu, ha nwere anya ma ha adịghị ahụ ụzọ.
| פה להם ולא ידברו עינים להם ולא יראו׃ |
17 Ha nwere ntị ma ha adịghị anụ ihe, ọ dịkwaghị nkuume dị nʼime ọnụ ha.
| אזנים להם ולא יאזינו אף אין יש רוח בפיהם׃ |
18 Ndị na-eme ha ga-adị ka ha. Ọ bụkwa otu a ka ndị na-atụkwasị ha obi ga-adị.
| כמוהם יהיו עשיהם כל אשר בטח בהם׃ |
19 Ndị Izrel, toonu Onyenwe anyị. Unu ndị ụlọ Erọn, toonu Onyenwe anyị.
| בית ישראל ברכו את יהוה בית אהרן ברכו את יהוה׃ |
20 Unu ndị ụlọ Livayị, toonu Onyenwe anyị; unu ndị na-atụ egwu ya, toonu Onyenwe anyị.
| בית הלוי ברכו את יהוה יראי יהוה ברכו את יהוה׃ |
21 Ka otuto dịrị Onyenwe anyị site na Zayọn, nye onye ahụ na-ebi na Jerusalem. Toonu Onyenwe anyị.
| ברוך יהוה מציון שכן ירושלם הללו יה׃ |
