Abụ Ọma 130

1 Abụ nrigo. O Onyenwe anyị, ọ bụ site nʼebe dị omimi ka m na-ebeku gị akwa.

[A Song of Ascents.] Out of the depths I have cried to you, Jehovah.

2 Onyenwe anyị, nụrụ olu m. Ka ntị gị na-aṅakwa ntị nʼolu arịrịọ m, maka amara.

Jehovah, hear my voice. Let your ears be attentive to the voice of my petitions.

3 O Onyenwe anyị, a sị na i detuo mmehie niile, Onyenwe anyị, onye pụrụ iguzo?

If you, JAH, kept a record of sins, Jehovah, who could stand?

4 Ma ọ bụ nʼaka gị ka mgbaghara mmehie dị; ime ka anyị tụọ gị egwu, ma jeere gị ozi.

But there is forgiveness with you, so that you may be revered.

5 Ana m echere Onyenwe anyị, mkpụrụobi m na-echekwa ya, ọ bụ nʼokwu ya ka olileanya m dị.

I wait for Jehovah. My soul waits. I hope in his word.

6 Mkpụrụobi m na-echere Onyenwe anyị karịa ndị nche abalị na-echere chị ọbụbọ, e, karịa ndị nche abalị na-echere chị ọbụbọ.

My soul longs for Jehovah more than watchmen long for the morning; more than watchmen for the morning.

7 Ndị Izrel, ka olileanya unu dịrị na Onyenwe anyị, nʼihi na ịhụnanya ya na-adịgide adịgide, nʼaka ya ka nzọpụta zuruoke dịkwa.

Israel, hope in Jehovah, for with Jehovah there is loving kindness. With him is abundant redemption.

8 Ya onwe ya, ga-agbapụta Izrel site na mmehie ya niile.

He will redeem Israel from all their sins.