Abụ Ọma 129

1 Abụ nrigo. Site na mgbe m bụ nwantakịrị, ha kpagburu m ọtụtụ oge, ka Izrel kwuo.

A Song of Ascents. 'Much have they afflicted me from my youth up', let Israel now say;

2 “Site na mgbe m bụ nwantakịrị, ha kpagburu m ọtụtụ oge, ma ha enweghị ike merie m.

'Much have they afflicted me from my youth up; but they have not prevailed against me.

3 Ndị ikom na-akọ ubi akọgharịala azụ m dịka ala ubi, mee ebe ha kọrọ akọ ka ọ dị ogologo.

The plowers plowed upon my back; they made long their furrows.

4 Ma Onyenwe anyị bụ onye ezi omume; ọ tọpụla m site nʼagbụ niile nke ndị ajọ omume.”

The LORD is righteous; He hath cut asunder the cords of the wicked.'

5 Ka ndị niile kpọrọ Zayọn asị bụrụ ndị ga-alaghachi azụ nʼihere.

Let them be ashamed and turned backward, all they that hate Zion.

6 Ka ha niile dịrị ka ahịhịa na-epu nʼelu ụlọ nke na-akpọnwụ tupu o pupụta;

Let them be as the grass upon the housetops, which withereth afore it springeth up;

7 nke onye na-ewe ihe ubi na-adịghị eji ha kpojuo aka ya abụọ, maọbụ onye mkpokọta e nwee ike kpojuo aka ya.

Wherewith the reaper filleth not his hand, nor he that bindeth sheaves his bosom.

8 Ka ndị si nʼụzọ na-agafe hapụ ị sị ha, “Ngọzị Onyenwe anyị dịrị unu. Anyị na-agọzi unu nʼaha Onyenwe anyị.”

Neither do they that go by say: 'The blessing of the LORD be upon you; we bless you in the name of the LORD.'