Abụ Ọma 129

1 Abụ nrigo. Site na mgbe m bụ nwantakịrị, ha kpagburu m ọtụtụ oge, ka Izrel kwuo.

A Song of degrees. Many a time have they afflicted me from my youth — oh let Israel say —

2 “Site na mgbe m bụ nwantakịrị, ha kpagburu m ọtụtụ oge, ma ha enweghị ike merie m.

Many a time have they afflicted me from my youth; yet they have not prevailed against me.

3 Ndị ikom na-akọ ubi akọgharịala azụ m dịka ala ubi, mee ebe ha kọrọ akọ ka ọ dị ogologo.

The ploughers ploughed upon my back; they made long their furrows.

4 Ma Onyenwe anyị bụ onye ezi omume; ọ tọpụla m site nʼagbụ niile nke ndị ajọ omume.”

Jehovah is righteous: he hath cut asunder the cords of the wicked.

5 Ka ndị niile kpọrọ Zayọn asị bụrụ ndị ga-alaghachi azụ nʼihere.

Let them be ashamed and turned backward, all that hate Zion;

6 Ka ha niile dịrị ka ahịhịa na-epu nʼelu ụlọ nke na-akpọnwụ tupu o pupụta;

Let them be as the grass upon the house-tops, which withereth before it is plucked up,

7 nke onye na-ewe ihe ubi na-adịghị eji ha kpojuo aka ya abụọ, maọbụ onye mkpokọta e nwee ike kpojuo aka ya.

Wherewith the mower filleth not his hand, nor he that bindeth sheaves his bosom;

8 Ka ndị si nʼụzọ na-agafe hapụ ị sị ha, “Ngọzị Onyenwe anyị dịrị unu. Anyị na-agọzi unu nʼaha Onyenwe anyị.”

Neither do the passers-by say, The blessing of Jehovah be upon you; we bless you in the name of Jehovah!