Abụ Ọma 115
1 Ọ bụghị anyị ka ọ dịrị, o Onyenwe anyị, ọ bụghị anyị ka ọ dịrị, kama ọ bụ aha gị ka ebube na-adịrị, nʼihi ịhụnanya gị na ikwesi ntụkwasị obi gị.
| לא לנו יהוה לא-לנו כי-לשמך תן כבוד--על-חסדך על-אמתך |
2 Gịnị mere ọtụtụ mba niile nke ụwa ji na-ajụ sị, “Olee ebe Chineke ha nọ?”
| למה יאמרו הגוים איה-נא אלהיהם |
3 Chineke anyị bi nʼeluigwe. Ọ bụkwa ihe tọrọ ya ụtọ nʼobi ka ọ na-eme.
| ואלהינו בשמים-- כל אשר-חפץ עשה |
4 Arụsị ha niile bụ ọlaọcha na ọlaedo ka e ji kpụọ ha, ha bụ ọrụ aka mmadụ.
| עצביהם כסף וזהב מעשה ידי אדם |
5 Ha nwere ọnụ ma ha adịghị ekwu okwu, ha nwere anya abụọ ma ha adịghị ahụ ụzọ;
| פה-להם ולא ידברו עינים להם ולא יראו |
6 ha nwere ntị ma ha adịghị anụ ihe, ha nwekwara imi ma ha adịghị anụ isisi ọbụla;
| אזנים להם ולא ישמעו אף להם ולא יריחון |
7 ha nwere aka, ma ha adịghị emetụ ihe ọbụla aka, ha nwere ụkwụ, ma ha adịghị eje ije; ha enweghị ike iji akpịrị ha mee mkpọtụ ọbụla.
| ידיהם ולא ימישון--רגליהם ולא יהלכו לא-יהגו בגרונם |
8 Ndị na-eme ha ga-adịkwa ka ha. Ndị na-atụkwasị ha obi ga-adịkwa ka ha.
| כמוהם יהיו עשיהם-- כל אשר-בטח בהם |
9 Ụmụ Izrel, tụkwasịnụ Onyenwe anyị obi ọ bụ onye inyeaka ha na ọta ha.
| ישראל בטח ביהוה עזרם ומגנם הוא |
10 Ezinaụlọ Erọn, tụkwasịnụ Onyenwe anyị obi. Ọ bụ ya bụ onye inyeaka ha na ọta ha.
| בית אהרן בטחו ביהוה עזרם ומגנם הוא |
11 Unu ndị na-atụ egwu ya, tụkwasịnụ Onyenwe anyị obi ọ bụ onye inyeaka ha na ọta ha.
| יראי יהוה בטחו ביהוה עזרם ומגנם הוא |
12 Onyenwe anyị na-echeta anyị, ọ ga-agọzikwa anyị, ọ ga-agọzi ndị ya bụ Izrel, ọ ga-agọzi ezinaụlọ Erọn,
| יהוה זכרנו יברך יברך את-בית ישראל יברך את-בית אהרן |
13 ọ ga-agọzi ndị niile na-atụ egwu Onyenwe anyị, ma onye nta ma onye ukwu.
| יברך יראי יהוה-- הקטנים עם-הגדלים |
14 Ka Onyenwe anyị mee ka unu mụbaa, unu na ụmụ unu.
| יסף יהוה עליכם עליכם ועל בניכם |
15 Ka Onyenwe anyị onye kere eluigwe na elu ụwa gọzie unu.
| ברוכים אתם ליהוה-- עשה שמים וארץ |
16 Eluigwe niile bụ nke Onyenwe anyị, ọ bụkwa ya nyere ụmụ mmadụ elu ụwa niile.
| השמים שמים ליהוה והארץ נתן לבני-אדם |
17 Ọ bụghị ndị nwụrụ anwụ na-eto Onyenwe anyị, ndị na-arịda nʼebe ịnọ duu;
| לא המתים יהללו-יה ולא כל-ירדי דומה |
18 ọ bụ anyị ga-aja Onyenwe anyị mma, site ugbu a ruo mgbe ebighị ebi. Toonu Onyenwe anyị.
| ואנחנו נברך יה-- מעתה ועד-עולם הללו-יה |
