Abụ Ọma 114

1 Mgbe ụmụ Izrel si nʼala Ijipt pụta, mgbe ezinaụlọ Jekọb sitekwara nʼebe ndị asụsụ ha dị iche pụta,

When Israel left Egypt, the house of Jacob from a people who spoke a foreign language,

2 Juda ghọrọ ebe nsọ Chineke, Izrel ghọrọ ala ọ na-achị.

Judah became his holy place, Israel his kingdom.

3 Osimiri hụrụ ya, gbaa ọsọ, osimiri Jọdan hụkwara ya chigharịa laa azụ;

The sea looked and fled; the Jordan turned back.

4 Ugwu ukwu niile wụliri elu dịka ebule; ugwu nta niile wụlikwara elu dịka ụmụ atụrụ.

The mountains skipped like rams, the hills skipped like lambs.

5 Gịnị mere gị oke osimiri, i ji na-agba ọsọ? Osimiri Jọdan, gịnị na-eme gị i ji chigharịa laa azụ?

Why did you flee, sea? Jordan, why did you turn back?

6 Gịnị na-eme unu, ugwu ukwu niile unu ji na-awụli elu dịka ụmụ ebule? Gịnị na-emekwa unu, ugwu nta niile, unu ji na-awụli elu dịka ụmụ atụrụ?

Mountains, why did you skip like rams? You little hills, why did you skip like lambs?

7 Ka ụwa niile maa jijiji nʼihu Onyenwe anyị, ka ọ maakwa jijiji nʼihu Chineke nke Jekọb,

Tremble, earth, before the Lord, at the presence of the God of Jacob.

8 onye mere ka oke nkume ghọọ ọdọ mmiri, onye mere ka ọmụ nkume ghọọ isi iyi mmiri.

He turned the rock into a pool of water, the hard rock into a spring of water.