Abụ Ọma 114

1 Mgbe ụmụ Izrel si nʼala Ijipt pụta, mgbe ezinaụlọ Jekọb sitekwara nʼebe ndị asụsụ ha dị iche pụta,

When Israel went forth out of Egypt, the house of Jacob from a people of strange language;

2 Juda ghọrọ ebe nsọ Chineke, Izrel ghọrọ ala ọ na-achị.

Judah became his sanctuary, Israel his dominion.

3 Osimiri hụrụ ya, gbaa ọsọ, osimiri Jọdan hụkwara ya chigharịa laa azụ;

The sea saw it, and fled; Jordan was driven back.

4 Ugwu ukwu niile wụliri elu dịka ebule; ugwu nta niile wụlikwara elu dịka ụmụ atụrụ.

The mountains skipped like rams, the little hills like young sheep.

5 Gịnị mere gị oke osimiri, i ji na-agba ọsọ? Osimiri Jọdan, gịnị na-eme gị i ji chigharịa laa azụ?

What aileth thee, O thou sea, that thou fleest? thou Jordan, that thou turnest back?

6 Gịnị na-eme unu, ugwu ukwu niile unu ji na-awụli elu dịka ụmụ ebule? Gịnị na-emekwa unu, ugwu nta niile, unu ji na-awụli elu dịka ụmụ atụrụ?

Ye mountains, that ye skip like rams; ye little hills, like young sheep?

7 Ka ụwa niile maa jijiji nʼihu Onyenwe anyị, ka ọ maakwa jijiji nʼihu Chineke nke Jekọb,

Tremble, thou earth, at the presence of the Lord, at the presence of the God of Jacob;

8 onye mere ka oke nkume ghọọ ọdọ mmiri, onye mere ka ọmụ nkume ghọọ isi iyi mmiri.

Which turned the rock into a pool of water, the flint into a fountain of waters.