Abụ Ọma 114

1 Mgbe ụmụ Izrel si nʼala Ijipt pụta, mgbe ezinaụlọ Jekọb sitekwara nʼebe ndị asụsụ ha dị iche pụta,

When Israel went out of Egypt, the house of Jacob from a people of strange language,

2 Juda ghọrọ ebe nsọ Chineke, Izrel ghọrọ ala ọ na-achị.

Judah was his sanctuary, Israel his dominion.

3 Osimiri hụrụ ya, gbaa ọsọ, osimiri Jọdan hụkwara ya chigharịa laa azụ;

The sea saw it and fled, the Jordan turned back;

4 Ugwu ukwu niile wụliri elu dịka ebule; ugwu nta niile wụlikwara elu dịka ụmụ atụrụ.

The mountains skipped like rams, the hills like lambs.

5 Gịnị mere gị oke osimiri, i ji na-agba ọsọ? Osimiri Jọdan, gịnị na-eme gị i ji chigharịa laa azụ?

What ailed thee, thou sea, that thou fleddest? thou Jordan, that thou turnedst back?

6 Gịnị na-eme unu, ugwu ukwu niile unu ji na-awụli elu dịka ụmụ ebule? Gịnị na-emekwa unu, ugwu nta niile, unu ji na-awụli elu dịka ụmụ atụrụ?

Ye mountains, that ye skipped like rams? ye hills, like lambs?

7 Ka ụwa niile maa jijiji nʼihu Onyenwe anyị, ka ọ maakwa jijiji nʼihu Chineke nke Jekọb,

Tremble, thou earth, at the presence of the Lord, at the presence of the God of Jacob,

8 onye mere ka oke nkume ghọọ ọdọ mmiri, onye mere ka ọmụ nkume ghọọ isi iyi mmiri.

Who turned the rock into a pool of water, the flint into a fountain of waters.