Abụ Ọma 113

1 Toonu Onyenwe anyị! Toonu Onyenwe anyị unu ndị ohu ya. Toonu aha Onyenwe anyị.

Hallelujah. Praise, O ye servants of the LORD, praise the name of the LORD.

2 Ka aha Onyenwe anyị bụrụ ihe a gọziri agọzi site ugbu a ruo mgbe ebighị ebi.

Blessed be the name of the LORD from this time forth and for ever.

3 Site nʼọwụwa anyanwụ ruo nʼọdịda ya, aha Onyenwe anyị ga-abụ ihe a na-eto eto.

From the rising of the sun unto the going down thereof the LORD'S name is to be praised.

4 Onyenwe anyị dị elu karịa mba niile, ebube ya dị elu karịa eluigwe.

The LORD is high above all nations, His glory is above the heavens.

5 Onye dị ka Onyenwe anyị Chineke anyị, onye nọkwasịrị ocheeze nʼebe dị elu,

Who is like unto the LORD our God, that is enthroned on high,

6 onye na-eme onwe ya ka ọ dị ala ilekwasị eluigwe na ụwa anya?

That looketh down low upon heaven and upon the earth?

7 Ọ na-esi nʼuzuzu bulie ogbenye elu sitekwa nʼebe ikpofu ahịhịa bulie onye nọ na mkpa elu;

Who raiseth up the poor out of the dust, and lifteth up the needy out of the dunghill;

8 ọ na-eme ka ya na ụmụ eze ndị ikom nọkọọ, ọ na-eme ka o soro ndị a maara aha ha nʼetiti ụmụ mmadụ nọkọọ.

That He may set him with princes, even with the princes of His people.

9 Ọ na-eme ka nwanyị aga biri nʼụlọ nke ya dịka nne mụrụ ọtụtụ ụmụ ọṅụ juru obi. Toonu Onyenwe anyị.

Who maketh the barren woman to dwell in her house as a joyful mother of children. Hallelujah.