Abụ Ọma 111

1 Toonu Onyenwe anyị! Aga m eji obi m niile jaa Onyenwe anyị mma nʼime nzukọ ndị ụzọ ha ziri ezi na nʼime ọgbakọ ukwuu.

הללו יה אודה יהוה בכל לבב בסוד ישרים ועדה׃

2 Ọrụ niile Onyenwe anyị na-arụ dị ukwuu; ndị niile na-enwe mmasị na ha na-atụgharị uche nʼime ha.

גדלים מעשי יהוה דרושים לכל חפציהם׃

3 Ọrụ ya jupụtara nʼebube na ịma mma, ezi omume ya na-adịgidekwa ruo mgbe ebighị ebi.

הוד והדר פעלו וצדקתו עמדת לעד׃

4 O meela ka e cheta ọrụ ebube ya niile; Onyenwe anyị bụ onye amara na onye ọmịiko.

זכר עשה לנפלאתיו חנון ורחום יהוה׃

5 Ọ na-egboro ndị na-atụ egwu ya mkpa ihe oriri; ọ na-echetakwa ọgbụgba ndụ ya ruo mgbe ebighị ebi.

טרף נתן ליראיו יזכר לעולם בריתו׃

6 O gosila ndị ya ike nke ọrụ ya niile, site nʼinye ha ala niile nke ndị mba ọzọ.

כח מעשיו הגיד לעמו לתת להם נחלת גוים׃

7 Ọrụ aka ya niile bụ ihe kwesiri ekwesi na ikpe ziri ezi; ụkpụrụ ya niile bụ ihe kwesiri ntụkwasị obi.

מעשי ידיו אמת ומשפט נאמנים כל פקודיו׃

8 E hiwere ha ịdị ruo mgbe niile ebighị ebi, ha bụ ihe e mere nʼikwesị ntụkwasị obi na izi ezi.

סמוכים לעד לעולם עשוים באמת וישר׃

9 O wetaara ndị ya mgbapụta; o meela ka ọgbụgba ndụ ya guzosie ike ruo ebighị ebi, aha ya dị nsọ dịkwa oke egwu.

פדות שלח לעמו צוה לעולם בריתו קדוש ונורא שמו׃

10 Ịtụ egwu Onyenwe anyị bụ mmalite amamihe; ndị niile na-edebe ụkpụrụ ya nwere ezi nghọta. Otuto ya na-adị ruo mgbe ebighị ebi.

ראשית חכמה יראת יהוה שכל טוב לכל עשיהם תהלתו עמדת לעד׃