Abụ Ọma 108

1 Abụ, Abụ Ọma Devid. Obi m dị njikere, o Chineke; aga m eji mkpụrụobi m niile bụọ abụ ma kụkwaa egwu.

A Song or Psalm of David. O God, my heart is fixed; I will sing and give praise, even with my glory.

2 Teta! Ụbọ akwara na une! Aga m akpọte chi ọbụbọ.

Awake, psaltery and harp: I myself will awake early.

3 Aga m eto gị, O Onyenwe anyị, nʼetiti mba niile; aga m abụ abụ banyere gị nʼetiti ndị niile dị iche iche.

I will praise thee, O LORD, among the people: and I will sing praises to thee among the nations.

4 Nʼihi na ịhụnanya gị dị ukwuu karịa eluigwe; ikwesi ntụkwasị obi gị na-erukwa mbara eluigwe.

For thy mercy is great above the heavens: and thy truth reacheth to the clouds.

5 Ka e bulie gị elu, o Chineke, karịa eluigwe niile, ka ebube gị dị nʼelu ụwa niile.

Be thou exalted, O God, above the heavens: and thy glory above all the earth;

6 Were aka nri gị zọpụta anyị ma nyere anyị aka, ka a gbapụta ndị ị hụrụ nʼanya.

That thy beloved may be delivered: save with thy right hand, and answer me.

7 Chineke esitela nʼịdị nsọ ya kwuo, sị, “Nʼọnọdụ ọṅụ nke mmeri, aga m ekesa Shekem, tụkwaa Ndagwurugwu Sukọt nʼihe ọtụtụ, nyepụ ya.

God hath spoken in his holiness; I will rejoice, I will divide Shechem, and measure out the valley of Succoth.

8 Gilead bụ nke m, Manase bụkwa nke m; Ifrem bụ okpu igwe m, Juda bụ mkpara eze m.

Gilead is mine; Manasseh is mine; Ephraim also is the strength of my head; Judah is my lawgiver;

9 Moab bụ efere ịkwọ aka m, aga m atụsa akpụkpọụkwụ m nʼelu Edọm nʼelu isi Filistia, ana m eti mkpu mmeri.”

Moab is my washpot; over Edom will I cast out my shoe; over Philistia will I triumph.

10 Onye ga-akpọrọ m gaa nʼobodo e wusiri ike? Onye ga-edu m gaa Edọm?

Who will bring me into the strong city? who will lead me into Edom?

11 Ọ bụghị gị, o Chineke? Gị onye jụrụ anyị, onye na-adịghị esokwa ndị agha anyị aga agha?

Wilt not thou, O God, who hast cast us off? and wilt not thou, O God, go forth with our armies?

12 Nyere anyị aka ka anyị pụọ nʼaka ndị iro, nʼihi na inyeaka mmadụ bụ ihe efu.

Give us help from trouble: for vain is the help of man.

13 Site na Chineke, anyị ga-enwe mmeri, ọ ga-azọpịa ndị iro anyị niile nʼala.

Through God we shall do valiantly: for he will tread down our enemies.