Abụ Ọma 107
1 Keleenụ Onyenwe anyị, nʼihi na ọ dị mma; ịhụnanya ya na-adịgide ruo mgbe ebighị ebi.
| הדו ליהוה כי טוב כי לעולם חסדו׃ |
2 Ka ndị niile Onyenwe anyị gbapụtara kwuo otu a, ndị niile ọ gbapụtara site nʼaka onye kpọrọ ha asị,
| יאמרו גאולי יהוה אשר גאלם מיד צר׃ |
3 ndị ọ kpọlatara site nʼala niile dị iche iche, site nʼọwụwa anyanwụ na ọdịda anyanwụ, site nʼugwu na ndịda.
| ומארצות קבצם ממזרח וממערב מצפון ומים׃ |
4 Ụfọdụ wagharịrị nʼọzara, ala nke tọgbọrọ nʼefu, ha enweghị ike ịchọta ụzọ nke ga-eduba ha nʼobodo ebe ha ga-ebi.
| תעו במדבר בישימון דרך עיר מושב לא מצאו׃ |
5 Agụụ gụrụ ha, akpịrị kpọkwara ha nkụ, olileanya gwụrụ ha nʼobi.
| רעבים גם צמאים נפשם בהם תתעטף׃ |
6 Mgbe ahụ, ha kpọkuru Onyenwe anyị, nʼime nsogbu ha, ọ napụtakwara ha site na mkpagbu ha niile.
| ויצעקו אל יהוה בצר להם ממצוקותיהם יצילם׃ |
7 O duuru ha nʼụzọ ziri ezi baa nʼobodo ha ga-ebi.
| וידריכם בדרך ישרה ללכת אל עיר מושב׃ |
8 Ka ha kelee Onyenwe anyị nʼihi ịhụnanya ya nke na-adịghị agwụ agwụ na nʼihi ọrụ ebube ya niile nye ụmụ mmadụ,
| יודו ליהוה חסדו ונפלאותיו לבני אדם׃ |
9 nʼihi na o jirila ọtụtụ ezi ihe nyejuo ndị agụụ na-agụ afọ meekwa ka onye akpịrị na-akpọ nkụ ṅụjuo afọ.
| כי השביע נפש שקקה ונפש רעבה מלא טוב׃ |
10 Ụfọdụ nọdụrụ ala nʼọchịchịrị na nʼọnọdụ oke ihe mwute nke obi, ndị nọ nʼụlọ mkpọrọ na-ata ahụhụ ndị e ji mkpọrọ igwe kee ha agbụ,
| ישבי חשך וצלמות אסירי עני וברזל׃ |
11 nʼihi na ha nupuru isi megide okwu niile nke Chineke ma lelikwaa ndụmọdụ niile nke Onye kachasị ihe niile elu.
| כי המרו אמרי אל ועצת עליון נאצו׃ |
12 Nʼihi ya, Chineke mere ka ha hụjuo anya site nʼịdọgbu onwe ha nʼọrụ, ha sụrụ ngọngọ daa, ma ọ dịghị onye ọbụla nyeere ha aka ibilite ọtọ.
| ויכנע בעמל לבם כשלו ואין עזר׃ |
13 Mgbe ahụ, ha kpọkuru Onyenwe anyị nʼime nsogbu ha, ọ zọpụtara ha site na mkpagbu ha niile.
| ויזעקו אל יהוה בצר להם ממצקותיהם יושיעם׃ |
14 O mere ka ha site nʼọchịchịrị na oke ihe mwute nke obi pụta. O tijikwara agbụ ha niile.
| יוציאם מחשך וצלמות ומוסרותיהם ינתק׃ |
15 Ka ha kelee Onyenwe anyị nʼihi ịhụnanya ya, nke na-adịghị agwụ agwụ na nʼihi ọrụ ebube ya niile nye ụmụ mmadụ,
| יודו ליהוה חסדו ונפלאותיו לבני אדם׃ |
16 nʼihi na o tijisiela ọnụ ụzọ ama niile e ji bronz kpụọ gbujiekwa mkpọrọ ịkpọchi ụzọ niile e ji igwe kpụọ.
| כי שבר דלתות נחשת ובריחי ברזל גדע׃ |
17 Ụfọdụ ghọrọ ndị nzuzu site na nnupu isi taakwa ahụhụ nʼihi njehie ha niile.
| אולים מדרך פשעם ומעונתיהם יתענו׃ |
18 Ihe oriri ọbụla ghọọrọ ha ihe rụrụ arụ ha bịakwara ọnụ ụzọ ama ọnwụ nso.
| כל אכל תתעב נפשם ויגיעו עד שערי מות׃ |
19 Mgbe ahụ, ha kpọkuru Onyenwe anyị nʼime nsogbu ha ọ zọpụtara ha site na mkpagbu ahụ niile.
| ויזעקו אל יהוה בצר להם ממצקותיהם יושיעם׃ |
20 O zipụrụ okwu ọnụ ya, gwọọ ha; ọ napụtara ha site nʼili.
| ישלח דברו וירפאם וימלט משחיתותם׃ |
21 Ka ha kelee Onyenwe anyị nʼihi ịhụnanya ya nke na-adịghị agwụ agwụ na nʼihi ọrụ ebube ya niile nye ụmụ mmadụ.
| יודו ליהוה חסדו ונפלאותיו לבני אדם׃ |
22 Ka ha chụọ aja ekele nye ya jirikwa ọtụtụ abụ ọṅụ kwupụta banyere ọrụ ya niile.
| ויזבחו זבחי תודה ויספרו מעשיו ברנה׃ |
23 Ụfọdụ ji ụgbọ mmiri na-ejegharị nʼelu oke osimiri; ha bụ ndị na-azụ ahịa ma na-ebugharịkwa ngwa ahịa nʼelu oke osimiri.
| יורדי הים באניות עשי מלאכה במים רבים׃ |
24 Ha hụrụ ọrụ niile nke Onyenwe anyị, ọtụtụ ọrụ ebube ya nʼogbu mmiri.
| המה ראו מעשי יהוה ונפלאותיו במצולה׃ |
25 Nʼihi na o kwuru okwu mere ka oke ifufe kuo nke buliri ebili mmiri elu.
| ויאמר ויעמד רוח סערה ותרומם גליו׃ |
26 Ha bụ ndị e buliri nnọọ ezigbo elu, ma budatakwa ruo ogbu mmiri niile; nʼọnọdụ ihe egwu ahụ, obi lọrọ ha mmiri.
| יעלו שמים ירדו תהומות נפשם ברעה תתמוגג׃ |
27 Ha na-adagharị, na-aṅagharịkwa dịka ndị ṅụbigara mmanya oke. Mmụta ha banyere ịnya ụgbọ mmiri adịghị enyekwara ha aka nʼoge dị otu a.
| יחוגו וינועו כשכור וכל חכמתם תתבלע׃ |
28 Mgbe ahụ, ha kpọkuru Onyenwe anyị nʼime nsogbu ha, o mere ka ha pụta na mkpagbu ahụ niile.
| ויצעקו אל יהוה בצר להם וממצוקתיהם יוציאם׃ |
29 O mere ka oke ifufe dere duu; o mekwara ka ebili mmiri nke oke osimiri dajụọ.
| יקם סערה לדממה ויחשו גליהם׃ |
30 Ha ṅụrịrị ọṅụ mgbe ọ dajụrụ, o duuru ha ruo ebe ha na-aga nʼudo.
| וישמחו כי ישתקו וינחם אל מחוז חפצם׃ |
31 Ka ha kelee Onyenwe anyị nʼihi ịhụnanya ya nke na-adịghị agwụ agwụ na nʼihi ọrụ ebube ya niile nye ụmụ mmadụ.
| יודו ליהוה חסדו ונפלאותיו לבני אדם׃ |
32 Ka ha bulie ya elu nʼetiti ọgbakọ ukwu ụmụ mmadụ ma tookwa ya na nzukọ ndị okenye.
| וירממוהו בקהל עם ובמושב זקנים יהללוהו׃ |
33 Ọ na-eme ka iyi ghọọ ọzara; na-emekwa ka ebe mmiri si asọpụta ghọọ ala kpọrọ nkụ.
| ישם נהרות למדבר ומצאי מים לצמאון׃ |
34 Ọ na-eme ka ala na-amị mkpụrụ hiri nne ghọọ ọzara, nʼihi ajọ omume nke ndị bi nʼime ya.
| ארץ פרי למלחה מרעת ישבי בה׃ |
35 Ọ na-eme ka ọzara ghọọ ala nke ọdọ mmiri jupụtara mee ka ala akọrọ ghọọ isi iyi nke na-asọ asọ;
| ישם מדבר לאגם מים וארץ ציה למצאי מים׃ |
36 ebe ahụ ka ọ kpọbatara ndị agụụ na-agụ ka ha biri, ebe ahụ ka ha wuru obodo ebe ha ga-ebi.
| ויושב שם רעבים ויכוננו עיר מושב׃ |
37 Ha ghara mkpụrụ nʼubi ha dị iche iche, kụọkwa ọtụtụ ubi vaịnị ndị mịrị mkpụrụ dị ukwuu;
| ויזרעו שדות ויטעו כרמים ויעשו פרי תבואה׃ |
38 ọ gọziri ha, ọnụọgụgụ ha bakwara ụba, o mekwara ka anụ ụlọ ha mụbaa.
| ויברכם וירבו מאד ובהמתם לא ימעיט׃ |
39 Mgbe ahụ, ọnụọgụgụ ha adịghịkwa ka ọ dị na mbụ, ha bụ ndị e ji mkpagbu na ihe ndakwasị na iru ụjụ wedata nʼala;
| וימעטו וישחו מעצר רעה ויגון׃ |
40 onye ahụ na-eleda ndị na-achị achị anya mere ka ha wagharịa nʼọzara, ebe ụzọ na-adịghị.
| שפך בוז על נדיבים ויתעם בתהו לא דרך׃ |
41 Ma ọ na-anapụta ndị mkpa na-akpa site na nhụju anya ha, mee ka ezinaụlọ ha mụbaa dịka igwe anụ ụlọ.
| וישגב אביון מעוני וישם כצאן משפחות׃ |
42 Ndị ezi omume na-ahụ ya na-aṅụrị ọṅụ, ma ndị ajọ omume na-emechi ọnụ ha nọọ duu.
| יראו ישרים וישמחו וכל עולה קפצה פיה׃ |
43 Onye ọbụla maara ihe ga-echezi echiche banyere ihe ndị a, ma tuleekwa ọrụ ịhụnanya Onyenwe anyị nke dị ukwuu.
| מי חכם וישמר אלה ויתבוננו חסדי יהוה׃ |
