Abụ Ọma 106

1 Toonu Onyenwe anyị. Keleenụ Onyenwe anyị nʼihi na ọ dị mma; Ịhụnanya ya na-adịgide ruo mgbe ebighị ebi.

Praise ye Yah, Give ye thanks to Yahweh—For he is good, For age-abiding, is his lovingkindness.

2 Onye pụrụ ikwupụtasịcha ihe ukwu niile nke Onyenwe anyị na-arụ maọbụ kwupụta otuto ya niile?

Who can relate the mighty deeds of Yahweh? can cause to be heard, all his praise?

3 Ndị a gọziri agọzi ka ha bụ, bụ ndị na-edebe ikpe ziri ezi, ndị ahụ na-eme ezi ihe mgbe niile.

How happy! They who observe justice, He that executeth righteousness at all times.

4 O Onyenwe anyị, cheta m mgbe ị ga-egosi ndị gị ihuọma, bịa leta m, mgbe ị na-azọpụta ha,

Remember me, O Yahweh, when thou acceptest thy people, Visit me, with thy salvation;

5 ka m soro keta oke na ngọzị ndị gị ị họpụtara, ka m keta oke nʼọṅụ ahụ dịrị mba gị sorokwa ihe nketa gị nye otuto.

That I may look upon the welfare of thy chosen ones, That I may rejoice in the joy of thy nation, That I may glory, with thine inheritance.

6 Anyị emehiela, dịka nna nna anyị ha mehiere; anyị emeela ihe ọjọọ, rụọkwa ọrụ ajọ omume.

We have sinned—with our fathers, We have acted perversely, we have committed lawlessness;

7 Mgbe nna nna anyị ha nọ nʼIjipt, ha echeghị uche banyere ọrụ ebube gị niile; ha echetakwaghị ịba ụba nke ebere gị niile, kama ha nupuru isi nʼakụkụ oke osimiri ahụ, bụ Osimiri Uhie.

Our fathers, in Egypt, understood not thy wonders, They remembered not the abounding of thy lovingkindnesses, but rebelled by the sea—at the Red Sea.

8 Ma ọ zọpụtara ha nʼihi aha ya, ime ka a mara ike ya dị ukwuu.

Yet he saved them, for the sake of his Name, to make known his mighty power;

9 Ọ baara Osimiri Uhie mba, ọ tachaa; o dufere ndị ya site nʼebe dị omimi gafee dịka ọ bụ ọzara.

So he rebuked the Red Sea, and it dried up, And he led them through deeps, as pasture-land;

10 Ọ zọpụtara ha site nʼaka ndị kpọrọ ha asị; gbapụtakwa ha site nʼaka ndị iro ha.

And saved them from the hand of one full of hatred, And redeemed them out of the hand of the foe;

11 Mmiri ahụ riri ndị iro ha niile; ọ dịghị otu onye nʼime ha fọdụrụ.

So the waters covered their adversaries, Not one from among them, was left.

12 Mgbe ahụ, ha kweere okwu gị niile, ma bụkuo gị abụ otuto.

They believed therefore in his words, They sang his praise.

13 Ma o teghị aka, ha chefuru ihe niile ọ rụrụ, ha e chereghị ka ndụmọdụ ya pụta ìhè.

Soon forgat they his works, —They waited not for his counsel;

14 Nʼọzara, ha sooro ọchịchọ nke obi ha; nʼala tọgbọrọ nʼefu, ha nwara Chineke ọnwụnwa.

But lusted a lust in the desert, and tested GOD in the waste.

15 Nʼihi ya, o nyere ha ihe ha rịọrọ ya, ma zite ọrịa na-efe efe ka ọ dakwasị ha.

So he gave them their request, but sent leanness into their soul.

16 Nʼetiti ọmụma ụlọ ikwu ha, ha kworo ekworo megide Mosis na Erọn, ndị e doro nsọ nye Onyenwe anyị.

And they became jealous of Moses in the camp, —of Aaron the holy one of Yahweh;

17 Ala meghere loda Datan, o likwara Abiram, na ndị otù ya.

The earth opened and engulfed Dathan, and covered up the assembly of Abiram;

18 Ọkụ repịara ndị niile sonyere ha; ire ọkụ repịara ndị ajọ omume.

Then was kindled a fire in their assembly, —a flame, consumed the lawless ones.

19 Na Horeb, ha kpụrụ nwa ehi, kpọọ isiala nye arụsị e jiri igwe pịa.

They made a calf in Horeb, —and bowed down to a molten image;

20 Ha jiri oyiyi oke ehi nke na-ata ahịhịa gbanwere Ebube ha.

Thus changed they my glory, for the similitude of an ox that eateth grass.

21 Ha chefuru Chineke, onye zọpụtara ha, onye rụrụ ọtụtụ ọrụ dị ukwuu nʼIjipt,

They forgat GOD their saviour, who had done great things in Egypt:

22 ọtụtụ ihe ịrịbama nʼala Ham, na ọtụtụ ọrụ ịtụnanya nʼakụkụ Osimiri Uhie.

Wonders in the land of Ham, Terrible things by the Red Sea.

23 Nʼihi ya, o kwuru na ọ ga-ala ha nʼiyi, ma Mosis, onye ya ọ họpụtara, guzoro nʼetiti ndị ahụ na Chineke, ka oke iwe ya ghara ịla ha nʼiyi.

Then would he have bidden to destroy them, —had not Moses his chosen, stood in the breach before him, To turn back his wrath from destroying.

24 Emesịa, ha ledara ala ọma ahụ anya, ha ekwenyeghị na nkwa ya.

And they refused the delightful land, They believed not his word;

25 Ha tamuru ntamu nʼime ụlọ ikwu ha; ha erubekwaghị isi nye Onyenwe anyị.

But murmured in their tents, —They hearkened not unto the voice of Yahweh.

26 Nʼihi nke a, o weliri aka ya elu ṅụọrọ ha iyi na ọ ga-eme ka ha niile nwụọ nʼọzara,

So he lifted up his hand unto them, that he would let them fall in the desert;

27 mee ka agbụrụ ha daa nʼetiti mba dị iche iche, ma chụsasịa ha nʼala niile.

And would disperse their seed among the nations, and would scatter them throughout the lands.

28 Ha dịnyeere ndị na-efe arụsị Baal nke Peoa, riekwa ihe e ji chụọrọ chi na-enweghị ndụ aja;

Yet they let themselves be bound to Baal-peor, —and did eat sacrifices to the dead:

29 ha sitere nʼajọ omume ha kpasuo Onyenwe anyị iwe, nke mere ka ọrịa na-efe efe dakwasị ha.

So they provoked to anger by their doings, and a plague, made a breach among them.

30 Ma Finehaz guzoro ọtọ, mee ihe ziri ezi, ọrịa ahụ na-efe efe kwụsịkwara.

Then stood up Phinehas, and interposed, and stayed was the plague:

31 A gụnyere nke a dịka ezi omume nye ya site nʼọgbọ ruo nʼọgbọ.

So it was counted unto him, for righteousness, To generation after generation, unto times age abiding.

32 Nʼakụkụ mmiri Meriba, ha kpasuru Onyenwe anyị iwe, nʼihi ha, nsogbu dakwasịrị Mosis;

And they provoked by the waters of Meribah, —And it fared ill with Moses, for their sakes;

33 nʼihi na ha nupuru isi megide Mmụọ nke Chineke, Mosis kwuru okwu, na-echeghị echiche banyere ihe ọ na-ekwu.

For they embittered his spirit, and he spake rashly with his lips.

34 Ha egbuchapụghị mba niile bi nʼala ahụ dịka Onyenwe anyị dọrọ ha aka na ntị ka ha mee.

They destroyed not the peoples of which Yahweh had spoken to them;

35 Kama ha gwakọtara onwe ha na mba niile nke ala ahụ, site otu a, mụta ime ka ha na-eme.

But had fellowship with the nations, and learned their doings;

36 Ha fere arụsị ha ofufe, nke ghọrọ ihe ịma nʼọnya nye ha.

Yea they served their idols, and they became to them a snare:

37 Ha gara nʼihu were ụmụ ha ndị ikom na ndị inyom chụọrọ chi na-abụghị chi aja.

Yea they sacrificed their sons and their daughters to mischievous demons;

38 Ha na-awụfu ọbara ndị na-emeghị ihe ọbụla, ọbara ụmụ ha ndị ikom na ndị inyom, bụ ndị ha chụrụ dịka aja nye arụsị niile nke ala Kenan, si otu a jiri ọbara ha merụọ ala ahụ.

And poured out innocent blood, the blood of their sons and their daughters, whom they sacrificed to the idols of Canaan, And the land was polluted with blood-shed;

39 Ha sitere nʼihe ha na-eme merụọ onwe ha; site nʼaka ọrụ ha, maka uru ha nyefere onwe ha nʼaka ndị na-emerụ ha.

And they became unclean by their works, and became unchaste in their doings.

40 Nʼihi nke a, iwe were Onyenwe anyị megide ndị ya; ọ gụkwara ihe nketa ya dịka ihe rụrụ arụ.

Then was kindled the anger of Yahweh with his people, and he abhorred his own inheritance.

41 Ọ raara ha nye nʼaka ndị mba ọzọ dị iche iche, ndị kpọrọ ha asị chịkwara ha.

So he delivered them up into the hand of the nations, And they who hated them, had dominion over them;

42 Ndị iro ha mekpara ha ahụ chie ha ọnụ nʼala nʼokpuru ike ha.

And their enemies oppressed them, And they were bowed down under their hand.

43 Ọtụtụ oge, ọ napụtara ha, ma ha nọgidesịrị ike nʼinupu isi site na ndụmọdụ ya, bụrụ ndị lara nʼiyi nʼime mmehie ha.

Many times, did he rescue them, —But, they, rebelled by their counsel, and sank low in their iniquity.

44 Ma mgbe ọ nụrụ mkpu akwa ha, ọnọdụ mkpagbu ha metụtara ya;

Then looked he on the distress which befell them, —when he heard their loud cry;

45 nʼihi ha, o chetara ọgbụgba ndụ ya, sitekwa nʼoke ịhụnanya ya, meere ha ebere.

Then remembered he, for them, his covenant, and was moved to pity, according to the abounding of his lovingkindnesses;

46 Ọ na-emekwa ka ndị ahụ dọtara ha nʼagha nwee ọmịiko nʼahụ ha.

And granted them compassion before all their captors.

47 O Onyenwe anyị Chineke anyị, zọpụta anyị, chịkọta anyị site nʼaka mba dị iche iche, ka anyị nwee ike nye aha nsọ gị ekele ma nyaakwa isi nʼime otuto gị.

Save us, O Yahweh our God, and gather us from among the nations, That we may give thanks unto thy holy Name, That we may triumph aloud in thy praise.

48 Otuto dịrị Onyenwe anyị, bụ Chineke nke Izrel, site nʼebighị ebi ruo ebighị ebi. Ka mmadụ niile sị, “Amen!” Toonu Onyenwe anyị.

Blessed be Yahweh, God of Israel, from one age even unto another, And all the people, shall say, Amen! Praise ye Yah!